Tata Ibadah Parningotan Hamamate ni Tuhan Jesus HKBP Distrik VI Dairi

1.      Pangaradeon

(diiringi musik angonangon B.E.83, BL.214) mardalan ma Prosesi

U   : Huria na hinahalongon ni Tuhan Jesus Kristus.Marpungu hita nuaeng di Bagas Joro on laho patupahon parpunguan PARNINGOTAN HAMAMATE NI TUHAN JESUS tanda holong ni roha ni Debata na so halompoan tu hita jolma manisia pardosa.Taida ma induk ni haporseaonta na manaon haporsuhon dohot haleaon ala ni hita. Hita hian do na ingkon hona bura ni patik alai sude bura i nunga dituhuk Jesus, Anak ni Debata Parholong roha na so hatudosan i.

R   : Marende BE.83:1 “Na lao do birubiru i”
Na lao do Birubiru i namamorsan angka dosa
Ni nasa hajolmaon i di benget ni rohana
Diporsan do sahitta i di lehon do DiriNa i
Tu tangan ni pamunu ditaoni do na bernit i
Ro di na tos hosaNa i didok : Naeng porsanonku.

U   : Naeng marhite parpunguanta di Parningotan Hamamate ni Tuhan Jesus on lam tangkas di rohanta naung dipaombun Debata rimasNa tu hita ala mudar ni Tuhan Jesus asa lam ture pangalahonta jala unang be sai tadatdati mardosa.

2.      Marende BE.83: 2 -3 “Na lao do birubiru i”

^2. Ianggo Birubirui, ima alealengku
Na paluahon tondingki Disuru Debatangku
Didok mandok AnakNa i Sai topot ma pardosa i
Naung sun tinoruanku Balga tutu do rimashi
AIai tarbaen do mombuni i Horhonon ni mudarMu

^3. Na olo au, ale Amang. sian sandok rohangku                     (Jongjong)
Pasauthon lomo ni rohaM rohaMsambing do guru”
0 holong ni rohaNa I tung aha do ludosanini
Na son gon ho margogo ? dilehon Debata hape
AnakNa lao manaon sude sitaonon ni na mago

3.      Votum-Introitus-Tangiang.

U   : Marhitehite Goar ni Debata Ama, dohot goar ni AnakNa Tuhan Jesus Kristus dohot Goar ni Tondi Parbadia na tumompa langit dohot tano on.

S    : Amen.

U   : Sintua ni malim sisongon i do tama di hita, na badia, na so jahat, na so marlindang, na so marbolat sian angka pardosa.

R   : Naung gabe tumimbo sian angka banua ginjang.

U   : Na so pola ganup ari songon angka sintua ni malim i mamboan jumolo pelean taringot tu angka dosana sandiri, dung i taringot tu dosa ni natorop i, asa sahali do i diulahon, di na mamelehon ibana. Haleluya.

S    : Haleluya. . Haleluya. . Haleluya.

U   : Martangiang ma hita:

        Ale Tuhan Jesus, na mate tarsilang do Ho humonghop hami halak pardosa ala ni holong ni rohaM na godang i di hami. Ajari ma hami paingotingot Ho, na targantung di hau na pinarsilangi humonghop hami,ai ho do haporusanami maradophon rimas ni Debata dohot panoruion ni Patik dohot panolsolion ni roha. Sai sesajala urasi ma dosa sian rohanami marhitehite TondiM na badia i, jala pargogoi ma hami maralohon roha sibuk dohot hisaphisap dohot sangkapsangkap ni rohanami laho mangihuthon Ho, na mangolujala na manggomgomi rap dohotAma i dohot Tondi Parbadia ro di saleleng ni lelengna

S    : Amen.                                                            (Hundul)

4.      Koor:

5.      Marende BE. 619: 1+3 “Di Golgota”

^1.        Di Golgota husolsoli do
sude dosangku na jorbut I
Ias au dibaen mudarNa I, puji Jesus i.
Puji ma GoarNa puji mudarNa
paias rohangki puji Jesus i.

^3.        MudarNa do namamuri au
Nunga ias songon hapas au
Unang ramun diramoti au, puji Jesus i.
Puji goarNa ……

6.      Patik

U   : Patik di hita di Parningotan Hamamate ni Tuhan Jesus Kristus, tarsurat di 1 Korintus 1:18  Songon on do hata ni Jahowa:

H   : Ai haotoon do hata na taringot tu silang i di roha ni angka na laho mago; alai hagogoon ni Debata do i di hita na dapotan haluaon

U   : I do sahatna. Rap mangido gogo ma hita sian Tuhan Debata laho mangulahon na hombar tu patikNa i.

S    :  Ale Tuhan Debata sai pargogoi ma hami mangulahon na hombar tu patikMi. Amen.

7.      Koor:

8.      Marende BE. 82:1+2 “O Jesushu tu bugangmu” BL. 21

1.    Jesusku, tu bugangMu, ro marsomba rohangkon.
Sai tarpuji, sai tarpuji, na pamalum tondingkon.

2.    Tung di patMu, o Jesusku, solsolanku rohangki. (Jongjong)
Tangisanku na tinaonMu, ala jat ni rohangki.

9.      Manopoti dosa.

U:  Laho manolsoli dosanta taingot ma Jesus na tarsilang i. Marsipal jala gok haporsuhon Ibana manaon sude dosanta. Dileai, ditijuri, dipastapi jala dipartumpalhon sungsang duri tu simanjujungaNa. Laos Ibana muse mamorsan hau pinarsilang i sian bagas paruhuman i sahat tu Golgata. Lam leleng lam dokdok do silang i dituhuk Tuhan i, pola martinggangan Ibana mamorsan. Hansit do i jala porsuk. Alai umporsuk sian i dope diporsan dosanta. Ale Tuhan, ndang tartuhuk hami silangMi, ndang tarrampas hami linsinglinsing ni soldadu i, gale do hami Tuhan, holan ilunami nama na maraburan, Alani Tapaunduk ma rohanta tu adopan ni Debata laho manopoti dosanta na godang i. Martangiang ma hita: Ale Debatanami! Na marasirohajala na badia, Amanami marhitehite Tuhan Jesus Kristus. Manang piga hali hami ro tujoloM, huhilala hami ringkot do asi ni rohaM di saluhut hami halak pardosa. Ala ni ido umbaen na hupaserep hami dirinami sadari on dijoloM,jala huparhatopot hami, tung najotjot do hami manimbil sian angka dalanMu na badia songon birubiru na lilu. Ale Tuhan Debata, unang tung pabali hami sianjoloM ala ni dosanami i, ai ndang dihalomoon rohaM hamatean ni angka pardosa,alai hamubaon ni rohana do lomo ni rohaM asa mangolu. Asi ma rohaM di hami,sesa ma saluhut dosanami.

R   : MarendeBE.686:1 “Ramun do au”

1.       Ramun do audi joloMi, gok dosangki urasi au
O, Jesus, birubiru i, dison do au patau ma au.

U   :Ale Tuhan Debata.Huokuhon hami do najotjot do huarsahi hami Ho marhitehite pingkiran dohot hata dohot pambaenannami na roa i.Ndang huhaholongi hami Ho sian nasa rohanami dohot nasa ateatenami dohot nasa tondinami dohot nasa gogonami;nang dongannami ndang doshon dirinami hubahen hami.Di bahen i tama do rimasanMu jala uhumanMu hami tu hamatean saleleng ni lelengna i. Na maporus do hami nuaeng tu adopanMu mangido tu Ho hasesaan ni dosanami.Buri ma hami marhitehite mudar ni AnakMu,Tuhan Jesus Kristus, na durus di Golgata.

R   : Marende BE.686:2 “Ramun do au”

2.       Na ro do au tujoloMi, gale do au urupi au
O, Jesus, ala mudarMi dison do aü patau ma au.

U   : Ale Tuhan Debata.Sai urupi ma hami paubahon rohanami maninggalhon sude dosa dohot hajahatonnami jala mian hami di ngolu na imbaru di bagasan Jesus Kristus.Lehon ma di hami roha dohot gogo mangulahon na hombar tu lomo ni rohaM di tongatonga ni portibi on.Tangihon ma hami ala ni asi ni rohaM,di bagasan AnakMu,Tuhan Jesus Kristus,Tuhanjala Sipalua hami. Amen.

R   : Marende BE.686:3 “Ramun do au”

3.       Ala denggan ni basaMi ro au tu Ho, 0 Jesuski,

Parbadiai ma rohangki, dison do au patau ma au.

U   : Tangihon hamu ma bagabaga ni Debata taringot tu hasesan ni dosanta:
Ise be mangaluhon angka na pinilit ni Debata? Debata do na mamintor. Ise do na mandabu uhum hamagoan? Kristus Jesus do naung mate; alai ndada holan i, naung mulak mangolu do,jala di siamun ni Debata do Ibana mangondihon hita. Hasangapon ma di Debata na di ginjang.

S    : Amen.                                    (Hundul)

10.  Koor:

11.  Marende BE. 78 : 1+3 “O Ulu Na Sap Mudar”           BL. 158

1. O ulu na sap mudar Binaen ni bugangMi Na sian jangarjangar Sisungsang duri i
O ulu hatongamon Hian do tumpalMi Ditaon Ho haleaon Ho naeng sombaonki?

3. Au on tama o Tuhan, manaon na tinaonMi. Dosangku di diporsan Ho na tarsilang i
Sai tatap ale Tuhan, au na dijoloMon. Huhut sai patuduhon, basaM tu rohangkon.

12.  Epistel.

U   : Turpuk Epistel di Parningotan Hamamate ni Tuhän Jesus Kristus,tarsurat  Mika 7:7-13 ,tajaha ma marsoringsoring,

H:   Alai anggo ahu manatap tu Jahowa do, jala dihalungunhon rohangku do Debata ni hatuaonku, sai tangihonon ni Debatangku do ahu.

U:   Unang ho marlas ni roha, ale musungku, mida ahu! Ai tinggang pe ahu sai hehe do ahu muse; ai hundul pe ahu nuaeng di bagasan haholomon, Jahowa do panondang di ahu.

H    Usungonku do rimas ni Jahowa, ai dompak ibana do ahu mardosa, paima dibadahon ibana badangku, jala maruli uhum ahu dibahen. Sai toguonna do ahu sogot tu hatiuron, idaonku do hatigoranna.

U:    Alai idaon ni musungku ma i sogot, jadi hungkupan ni haurahon bohina, ibana naung mandok tu ahu: * Didia do Jahowa Debatam? Marsombusombu ma matangku marnida nasida, dung hona luntak songon gambo di alaman.

H:     Nunga ro ari parpaulion di parikmu, ari parholangan ni patik do i.

U:    Ari haroroan ni halak do i tumopot ho sian Assur, dohot sian angka huta ni Misir; jala sian Misir sahat ro di batang aek jala sian laut tu laut jala sian tor tu tor.

H:  Alai gabe halongonan ma tano i ala ni pangisina, binahen ni parbue ni pambahenannasida

      U   : Ima sahatna.Martua

13.  Koor:

14.  Marende BE. 79: 7 – 8  “Di na Ponjot rohangku” BE. 124

7. Sai naeng ma tiruonku, pambaenanMi di au tu sasude donganku,
Jesus urupi au Manghaholongi donganki, unang tung marpambuat nang marpangansi pe

8. Sai sonang ma rohangku Binaen ni bugangMi Di na lao tos hosangku
Marningot mudarMi Pos ma rohangku baenon ni PamasuhonMu ahu Marnida bohiMi.

15.  Silang Di Golgata, Holong ni Debata tu Jolma Pardosa.

U:      Hamu angka dongan. Diparsilanghon, i ma uhum na diparade ni pamarenta Rom
tu angka parjahat na sumalin. I do umbahen na dipapillithon si Latus tu natorop i
Jesus do paluaonna manang si Barabas parjahat na sumalin i. Ninna roha ni si
Latus ndang mungkin pilliton ni natorop i si Barabas. Hape nunga holom roha
dohot parnidaan ni natorop, ndang boi be diida nasida na jongjong di jolo
nasida i Anak ni Debata Sipalua portibion on. Si Barabas parjahat na sumalin i do
dipillit natorop i, malua  pe taho parjahat i asalma diparsilanghon Tuhan Jesus
Parholong na so hatudosan i.Tutu ma, nunga be dituhuk Jesus silang i, na ingkon
hita hian manuhuk i, nunga be dipantikhon silang i di Golgata, nunga be di
labanghon simangido ni Jesus na sai mamasumasu i dohot simanjojakNa na so
marnaloja i mandalani angka huta mamaritahon Barita na Uli, barita haluaon i
Silang di Golgata hapapatar ni holong ni Debata tu jolma pardosa; silang na badia
do i di hita na porsea na naeng paluaonNa, haporseai ma i unang tung hailahon i

R   : Marende 86: 1 “Silang na badia i”

- Silang na badia i Ho do lombulombungki
Maralohon dosa i dohot pandelean i
Di sude sitaonon i Ho ma lombulombungki

U   :Manetek mudar sian tangan dohot simanjojak ni Jesus naung dilabanghon tu hau
parsilang i,songon i nang sian simanjunjung ni Jesus parasiroha na so halompoan i. Mudar na badia na paluahon portibi on sian huaso ni dosa dohot hamatean, mudarna badia na mamuri hita sian dosa. Gantung Jesus i, ndang di janghon portibi on songon i nang banua ginjang. Songon tandiang na hapuluan Jesus i, ndang adong  na mandongani manaon na porsuk i ai sude nungga mandao. O Tuhan Jesus , Anak ni Debata. Hami jolma pardosa on nian na ingkon manaon na tinaonMi, alai ala ni holongMu dituhuk Ho sude na porsuk i, di taon Ho sude na hansit i. Silang ni Jesus i, silang na badia do i di hita ai hapapatar ni asi ni roha ni Debata do i tu hita jolma pardosa.

R   : Marende BE.86:2 “Silang na badia i”
- Nasa na huula i ndang tau hasonanganki
Nang ringkot pe rohangki pola ro nang ilungki
Holan asi ni rohaM pangurupi o, Tuhan

U   : Hata ni Debata di I Korint 1:18 mandok: “Ai haotoon do hata na taringot tu silang i di roha ni angka na laho mago; alai hagogoon ni Debata do i di hita na dapotan haluaon”.Silang ni Jesus di Golgata papatarhon holong ni Debata ta auhon ma i jala ta hangoluhon ai i do hadameon dohot haluaon na sumurung di hita. Unang tung halupahon panghonghopon ni Jesus i, suan ma i di rohanta gabe arta na manongtong.

R : Marende BE. 86 : 3 “Silang Na Badia”
- Ro do au nuaeng tu ho, sai palambas ma rohaM.             (Jonjong)
Nunga pola mate Ho, ala asi ni rohaM
Jangkon au na dangol on, sai ulosi tondingkon.

16.  Manghatindanghon Ilaporseaon.

U   : Rap dohot donganta sahaporseaon di sandok portibi on, tahatindanghon ma Hata Haporseaonta i. Rap ma hita mandok:

S    : Ahu Porsea Di Debata Jahowa ....d.u.                      (hundul)

17.  Koor

18.  Sunggul-sunggul

19.  Marende BE.81:1 “Aha ma endehononku” BE. 185 (P. Pelean 1a & 1b)

1.    Jesus mual ni ngolungku, sipangolu tondingki
Ai dibunu Ho musungku, ima hamatean i.
Ho rnanaoni hamagoan, patupahon hangoluan
Alani hupuji Ho, tung marribu bali do.

2.    Haleaon, insakhinsak, reherehe, tijur pe
Tali dohot pastappastap, tung ditaonhon Ho sude
Paluahon au na pogos, sian tangan ni sibolis
Alani hupuji Ho, tung marribu hali do.
                                 Musik

3.    Bugang sada tanggurungmu Di na hona linsing i
Hamamalurn ni bugangku Na di rohangki do i
Ho do gabe binuraan Au dapotan hangoluan
Ala ni hupuji Ho Tung marribu hali do

4.    Sungsang dun ditumpaihon panginsahi i tu Ho
Jala tolong dilibashon tu uluM, pasiak Ho.
I ditaonhon Ho, Tuhanku. Ala ni hajungkatonku.
Ala ni hupuji Ho Tung marribu hali do.
                                 Musik

20.  Jamita: Markus 15:22-32

21.  Marende BE. 88:1 BL. 106 “Di surgo do alealenta “(papungu pelean 2)

1.    Jesusku naung manobus ahu sai naeng haholonganku Ho
Tu dolok Golgata Ho laho nionjar ni holongMu do
Hupuji nasa asiMi alai gumodang holongMi

2.    Tarsolsolbagi do rohangku paidaida dangolMi
Marningot sasude dosangku ai i do na tinaonMi
Hupuji nasa asiMi alai gumodang holongMi
Musik

3.    Jotjotna i husoadahon Ho. sipangolu tondingkon
Mabiar lao mangkatindangkon Ho na manghonghop au tongon
Hupuji nasa asiMi alai gumodang holongMi

4.    Bagas uhirhon tu rohangku panghonghopMi humonghop au
Tusi ma togu pingkiranku guru di Ho sambing ma ahu
Hupuji nasa asiMi alai gumodang holongMi

22.  Pangauhonon Di Panghophop ni Tuhan Jesus                    (jongjong)

U   : Nunga tabege Barita na Uli na maniaritahon ia Hamamate ni Jesus di hau na pinarsilang i holan ala ni dosanta do,dosa ni sandok portibi on.Antong,tauhon ma panghophoponNa i di bagasan rohanta be asa unang be hita madabu tu bagasan dosa alai hot ma hita jongjong so mubauba. di OJAHAN NA SINTONG i ma BARITA NAULI nang pe ingkon adopanta ragam ni angka parungkilon di tongatonga ni portibi on.

R   : Tabahen ma Hata ni Debata ojahan ni ngolunta ro di saleleng ni lelengna.

U   : Songon angka naung tinobus ni Tuhan Jesus Kristus tongtong ma hita mangolu di bagasan biar mida Dcbata.Tapelehon ma dagingta bahen pelean na mangolu na hinalomohon ni Debata marhitehite na manghaholongi dongan jolma.

R   : Marende BE.623:3 “Tarsilang ho”
3. Hulehon ma Tuhan tu Ho. Saluhut diringkon,
Lao mangoloi Ho Tuhanki,Saleleng ngolungki

23.  Tangiang Pelean – Agenda/ Ale Amanami - Pasupasu

Cat: 1. Ulaon Na Badia diaturhon di ganup Huria ma.

2.         Taingot ma dipukul 14.00 WIB (pukul 2 siang) parpunguan na hohom.

3.         Tapahombar ma pahean na hohom

bidangmarturiahkbpdistrikvidairi.blogspot.com