Pangojakhonon Biv Pormina Br Tambunan S.Mis HKBP Resort Sidikalang II

PANGARADEON:

Prosesi , Praeses, Pandita ,Bibelvrow  dohot Parhalado sian Konsistori mamasuhi bagas joro di iringi BE. No. 666 “Ingkon do boanonta Barita”

II.        PARMINGGUON

1.         JOUJOU TU PANGARADEON

U:        Horas ma di hita sude! Parhalado dohot ruas ni HKBP  Sidikalang II  Resort Sidikalang II Distrik VI Diri, Tama do hita mandok mauliate tu Debata pardengganbasa i, ala diloas dope hita marsaor di bagas joroNa, laos di Minggunta sadari on, Ojakhonon ni Pimpinan ni Hurianta ma Biv Pormina Br Tambunan S.Mis  marhobas di Hurian ta on Antong, taparade ma rohanta mamuji dohot pasangaphon Tuhanta, marende ma hita :

2.          MARENDE BE. NO. 651: 1-3  Endehon Debata” BL. 561

                   1.  Endehon Debata haleluya Amen

Ama parholongi haleluya Amen

Ria ma hita be di adopanNa i

                  Rap taendehonma haleluya Amen

2.  Bereng tu Jesus i Haleluya Amen Parmahan Bolon i

Haleluya Amen, Anak ni Debata Parasi roha i

Hot do holongNa i haleluya Amen.

~~~~~ jongjong ~~~~~

3. Pasangap Tondi Haleluya Amen, na Mangapuli i

Haleluya Amen, Tondi Panompa i, gohi ma rohangki

Paimbaru rohangki, haleluya Amen.

3.         VOTUM - INTROITUS

U:        Marhitehite Goar ni Debata Ama, dohot Goar ni AnakNa Tuhan Jesus Kristus, dohot Goar ni Tondi Parbadia na tumompa langit dohot tano on. Amen! Tigor do angka dalan ni Jahowa, jala halak partigor mardalan disi; alai anggo halak parjahat tarsulandit do disi. Haleluya!

H  :       (Mangendehon : Haleluya, haleluya, haleluya)

U  :      Martangiang ma hita: Ale Tuhan Debata, parasiroha jala na bonar mauliate hudok hami, ala dipabinsar Ho tu hami Barita na Uli, na manondangi rohanami. Ai ala ni i umbahen hutanda hami Ho dohot lomo ni rohaM. Dipangido rohanami naeng mangulahon lomo ni rohaM hami saleleng di ngolu on, jala naeng martua hami bahenonMu. Sai parbadiai ma rohanami marhitehite TondiM, jala pargogoi ma hami mangorom hisaphisap dohot manggotaphon roha portibi on. Sai palas ma rohanami mangoloi Ho ala ni AnakMu Tuhan Jesus Kristus Tuhan nami. Amen!       ( h u n d u l )

4.         MARENDE BE. NO. 487: 1 “TUNG HALAK NA MARGOGO”      BL.  329

1.                  Tung halak na margogo si partangiang i.

Dokdok pe si taonnon, ndang olo talu i.

Pos situtu roha na di Debata na i.

Tuhan na manaluhon sude pangalo i.

5.         PATIK

U  :      Tangihon hamu ma Patik ni Debata i ma Patik I- IV Hon patik Parjolo Ahu do Jahowa DebataM, ninna Debatanta. Ndang jadi marangkup Ahu bahenonmu Debatam. Patik Paduahon Ndang jadi ganaonmu jala ndang jadi sumanonmu manang aha na di banuaginjang dohot na di banuatonga on ro di na di bagasan aek na di toru ni tano, ianggo tung gabe sisombaon manang sioloan.

Patik Patoluhon Ndang jadi dohonon goar ni Debata, ianggo so ture dalanna. Ai hona uhumNa do sogot angka na marsineang di goarNa. Patik Paopathon

Ingot hamu ma pabadiahon ari minggu i! Di na onom ari ma ula hamu nasa siulaonmu, alai anggo ari papituhon i, ari paradianan ni Jahowa Debatam do i. Ndang jadi ho mangula anggo di sadari i, manang anakmu pe manang borum, manang naposom lahilahi, manang naposom boruboru, ro di pinahanmu ro di pangisi ni huta ni halak pe na mangebati hutam. Ai di na onom ari do ditompa Debata langit dohot tano dohot laut dohot nasa isina; dung i maradian do Ibana di ari papituhon i. Dibahen i do umbahen na dipasupasu Debata Jahowa ari paradianan i jala diparbadiai.

             I ma sahatna. Antong rap mangido gogo ma hita sian Tuhan Debata laho mangulahon PatikNa i.

U/H :    Ale Tuhan Debata, sai pargogoi ma hami mangulahon na hombar tu PatikMi, amen.

6.       KOOR:   

7        KOOR:   

8.      MARENDE BE. NO. 733: 1   “DULO MA AU OnN O TUHAN” BL 733

Dulo ma au on o Tuhan  bege anggukkon,

Ro do Ho tu angka dongan topot ma au on.    

Jesus Tuhan bege anggukkon,                                - --        Jongjong ---

Ro do Ho tuangka dongan topot nang au on.

9.         MANOPOTI DOSA

U:        Huria ni Tuhanta, tahalashon do pambahenan dohot pangaramotion ni Tuhanta di hita ganup marsadasada. Alai nang pe songon i, ingkon rajumanta do pardosa hita marhite sude angka pangalaosionta. Ala ni i tapangido ma hasesaan ni dosanta:

(Tingki na hohom)

            ----- Organ mangendehon BE. No. 683 angonangon -----

U  :      Ale Debatanami parasiroha jala na badia, Amanami marhitehite Tuhan Jesus Kristus! Manang piga hali hami ro tu joloM, huhilala hami ringkot do asi ni rohaM di saluhut hami halak pardosa. Ala ni i do umbahen na hupaserep hami dirinami sadari on di joloM, jala huparhatopot hami, tung na jotjot do hami manimbil sian angka dalanMu na badia i. Sai unang pabali hami sian joloM ala ni dosanami i.

H   :      (Mangendehon angonangon  BE. No. 683 : 3  “Di adopanMu Jesus”)

                          Di adopanMu Jesus tarsolsol bagi rohangkon

                         Muba ma au tu jolo on di adopanMu Jesus

U:        Asi ma rohaM di hami, sai patongtong ma di hami roha hamauliateon tu Ho. Pamalum ma saluhut na bernit binahen ni dosanami. Ro ma Ho mangingani hami, asa marlas ni roha hami mangulahon lomo ni rohaM.

H:        Molo hupaingotingot hami pangalahonami nasailaon na i, godang do hahurangan, dosa nang pangalaosionnami maradophon Debata. Jotjot do huarsahi hami dongannami, dongan sajabu, dongan sahuta, dongan saulaon, dongan sahuria, suang songon i angka natoras dohot sisolhot pe. Ale Tuhan, asi ma roham di hami.

U:        Ale Tuhan, asi rohaM, molo sipata gale ruas ni huriaM, sipata lupa manghamauliatehon denggan ni basaM, lupa manangianghon huriaM, lupa manangianghon nang naposoM. Hurang malo ruasMi marparsaoran dohot naposoM, ajari ma jala paingot sude ruas ni huriaM asa sai tongtong manghalashon huhut manangiangkon angka napasoM na pinillitMu pararathon Barita na Uli i.

H   :     (Mangendehon angonangon BE. No. 688 : 1-2     “Tuhan”)

            Tuhan jotjot do marsak donganki, ala na sala pambahenanki

            Hatangku langka nang parulanki, jora ma au.

                   Pangkulingki pe tupa so une, mambaen jut roha ni donganku pe

                   Pingkiran, hata na hurang ture, jora ma au.

U:        Bagabaga ni Debata taringot tu hasesaan ni dosa! “Parasiroha jala pardenggan basa do Jahowa, lambat tarrimas jala parasiroha godang. Ndang dibahen tu hita hombar tu angka hajahatonta. Songon asi ni roha ni amaama mida angka anakna, asi ni roha ni Jahowa di angka na manghabiari Ibana”. Hasangapon ma di Debata na di ginjang!

H   :  Amen!                                                                               ( h u n d u l )

10.    KOOR:                      

11.  MARENDE BE. NO. 117: 4 “JAHOWA DEBATANTA DO”             BL. 205

       Ai hata ni Jahowa i Ndang dapot ungkitonna

    Tuhanta manjagahon i Ditungkol naposona

    Hosanta arta pe Ugasan sasude  Dirampas musu i

    Antong mahua i Hot do harajaonNa.

12.  E P I S T E L

U:        Epistel di Minggu sadari on tarsurat di  Psalm 102:2-3, 13-23

Ale Jahowa, sai tangi ma tangiangkon, jala sai tolhas tu Ho ma angukkon!

H:        Unang tung tabunihon bohim maradophon ahu di ari hagogotanki, sai paeleng ma pinggolmu tu ahu, hapogani ma mangalusi ahu di ari panjouonku.

U:        Alai anggo Ho, ale Jahowa, sai marhabangsa do Ho salelenglelengna, jala marsundutsundut do parningotan di Ho.

H:        Sai hehe ma Ho mambahen asi ni roham di Sion, ai nunga jumpang tingki parasi ni roha di ibana, nunga ro tingkina.

U:        Ai holong situtu do roha ni angka naposom mida angka batu ni Sion, jala habot do rohanasida mida orbukna.

H:        Jadi mabiar sogot angka parbegu mida goar ni Jahowa, ro di sude angka raja ni tano on mida hamuliaonmu.

U:        Ala naung dipauli Jahowa Sion i, naung tarida Ibana di hamuliaonna.

H:        Naung marpangulahi rohana mida tangiang ni na so mardihadiha, jala * ndang lea rohana di tangiangnasida.

U:        Surathononhon ma i tu na pinompar sogot, jadi bangso sitompaon dope mamuji Jahowa sogot.

H:        Ala naung manatapnatap Ibana sian habadiaonna na timbo i, ala naung mandulo Jahowa sian banua ginjang tu tano on.

U:        Laho manangihon hoihoi ni angka na tarbuang, laho paluahon angka anak ni hamatean hian.

H:        Asa dibaritahon nasida di Sion goar ni Jahowa dohot baritana di Jerusalem.

U:        Molo sange marpungu sogot angka bangso ro di angka harajaon mangoloi Jahowa. I ma sahatna. Martua ma  na tumangihon Hata ni Debata, jala na umpeopsa.

H  :      Amen !

12.   KOOR :

13.   MARENDE BE. NO. 178: 1+4  “RO MA TU JESUS”            BL.  196

    Ro ma  tu Jesus  ro ma tibu Bege hataNa jangkon burju

 Na ro do Jesus pangolu ho Asal porsea ho

 Mansai las rohanta i muse Molo ias sian dosa pe

 Sai ro ma hita  tu surgo i  Laos sonang ma disi

                                                                                    ~~~ jongjong ~~~

 Ro ma tu Jesus na holong do RohaNa i di halak na ro

 Ai dipalua tondinta i  Unang be mago i

 Mansai las rohanta i muse Molo ias sian dosa pe

 Sai ro ma hita  tu surgo i  Laos sonang ma disi

14.  MANGHATINDANGHON HAPORSEAON

U:        Tahatindanghon ma haporseaonta i, songon na hinatindanghon ni donganta sahaporseaon di sandok portibi on. Rap ma hita mandok :

U/H:     Ahu Porsea…………..d.u…………Amen.          ( h u n d u l  )

15.   T I N G T I N G (WARTA JEMAAT) TANGIANG PANGODIANON

16.   MARENDE BE. NO. 814: 1…. “SAI AJARI AU TUHANKU ”BL.  814

                  (Papungu Pelean Ia + Ib)

1.                  Sai ajari au Tuhanku di na martangiang au,

Patuduhon tu rohangku sangkap ni rohaM di au,

Songon na binaen ni Jesus na manaon humophop au,

Unang lomo ni rohangku, lomo ni rohaM ma saut.

2.                   Nasa na mauliutus, dipatupa Ho di au,

Panolopi do tondingku, disangkapMu na tu au.

Mangauhon pamabaenanMu, di na marsitaonon au

Unang lomo ni rohangku, lomo ni rohaM ma saut.

          -MUSIK-

3.                  Dibagasan Ho Tuhanku, boi marlas ni roha au

Ho sambing haporusanku, Ho ma paluahon au

Pargogoi ma au Tuhanku, ai mansai gale do au

Unang lomo ni rohangku, lomo ni rohaM ma saut.

17.  JAMITA : Lukas 11:1-13  (Pinatolhas ni Praeses HKBP Distrik VI DAIRI )

18.  MARENDE BE. NO. 813 : 1 “PANGIDO HAMU MA”  BL 813

                             (Papungu Pelean II )

1.                  Pangido hamu ma, sai na lehononNa do tu hamu,

Lului hamu ma, sai na jumpangan do hamu,

Sai tuktuhi hamu ma, sai na ungkaponNa do di hamu,

Angka pangidoanmuna disarihon Debatamu.

                  ~~~~ musik ~~~~

2.                  la ma jumolo pangidoan nang pangondian I,

Unang ma mansadi martangiang ho tu Tuhan I,

Ai margogo situtu do, tangiang ni angka partigor I,

Molo sai dihaburjuhon partangiangonna i.

                  ~~~~ musik ~~~~

19. ACARA MANGOJAKHON BIBELVROW ( Ditingki Marende No 729: 1 ro ma Biv Pormina Tambunan S.Mis dohot Kel  tu Jolo ni Langgatan )

Marende No 729 : 1

1.                  Laho ma hamu tu liat portibion Ninna Jesus Kristus Tuhan i

Ninna Jesus Kristus Tuhan i ; Asa marlas ni roha ma langit

nang dohot hajang hajang i marolop olop angka ladang i

ro dihau na diharangan i.  Baritahon ma Barita na uli i ;Tu saluhut na tinompa i tu saluhut na tinompa i.

Martopaptopap sunge i Marhasakhasak tao nang laut i

Marolop olop ma portibion nang  Sudena pangisina i. Amen.

1.      PRAESES:

Hamu angka dongan ruas dohot Parhalado huria ni Tuhanta na di Huria on, di ari on, laos paojakhon do   Bibelvrow ni Hurian ta  na imbaru. Mardomu tusi tabege ma jolo Surat Keputusan ni Pimpinan HKBP taringot tu penempatan nasida.

2.       Manjaha Surat Keputusan:  (Jinahahon ni :  …….                )

3.      Praeses

Hamu Biv Pormina Tambunan S.Mis  nunga dibege hamu Surat Keputusan ni Pimpinan HKBP taringot tu penempatan muna  gabe Bibelvrow  HKBP Sidikalang II Ressort Sidikalang II. Antong tabege ma ulaon ni Bibelvrwow ( Parjamita Ina )  HKBP hombar tu Aturan dan Peraturan ni Hurianta Dohot Agendanta i:

4.      Ulaon ni Bibelvrow ( Jinahahon ni : ……… )

1.         Dongan ni Pandita do hamu manogunogu jala mamatamatahon ruas ni Huria na masuk tu Huria Kristen Batak Protestant. Hamu do dongan ni Pandita laho manjamitahon Hata hangoluan na tarsurat di Padan na Robi dohot di Padan na Imbaru di tongatonga ni Huria sipasahaton tu hamu be.

2.         Ala Parjamita di Huria hamu bahenonmuna ma nasa gogomuna marmahani birubiru ni Tuhanta, i ma angka ruas ni Huria na balga nang na metmet, na poso dohot na matua, na marsahit dohot na hisar, na jengkel dohot na burju. Apulanmuna ma angka na marsak, tungkolanmuna angka na mabalu dohot angka na tading maetek.

3.         Laos songon i apoanmuna halak sipelebegu dohot angka parugamo na asing pe na manimbil sian Hata ni Debata dohot sian HuriaNa, asa dohot nasida marsaulihon na pinatupa ni Tuhan Jesus, ojahan ni haporseaonta i.

4.         Ala Parjamita ina hamu di Huria Kristen Batak Protestant, tumangkas pasahaton tu hamu panghobasion di tongatonga ni angka Ina, Namarbaju dohot angka Dakdanak. Angkup ni parbinotoan di Hata ni Debata, siajarhonon jala sipodahononmuna tu nasida, siradotanmuna do panghobasion na ampit tu nasida.

5.         Asa saut angka na nidok ondeng ingkon marparange na denggan ma hamu di jolo ni Debata nang di jolo ni jolma. Tau tiruan ma hamu di angka na pinasahat ni Debata tu hamu. Sandok hata naung pinasahat tu hamu, radoti hamu ma sian nasa rohamuna hombar tu Hata ni Debata na mamolin i.

5.    Praeses:

Hamu  Biv Pormina Tambunan S.Mis  nunga dibege hamu Aturan ni Huria taringot tu ulaon ni Bibelvrow. Antong na manungkun ma ahu nuaeng  tu hamu, di jolo ni angka dongan na marpungu di son dohot  di jolo ni Tuhan Jesus  Kristus, Raja jala nampuna Huria i : Na olo do hamu paojakhon gabe Bibelvrow Huria HKBP Sidikalang II Resort Sidikalang II on?  Na olo do hamu mamelehon dirimuna mangaradoti angka ulaon i hombar tu na diaturhon di HKBP ? Dok hamu ma alus muna.

6.    Biv Pormina Tambunan S.Mis  

Na olo do ahu, sai didongani Asi Ni Roha ni Debata ma ahu patupahon saluhutna i

7.      PRAESES  (Huhut Masijalangan):

Marhitehite  Goar Ni Debata Ama, dohot Goar ni AnakNa Tuhan Jesus Kristus dohot Goar ni Tondi Parbadia, ahu Praeses HKBP Distrik VI Dairi di Minggu Rogate 26 Mei 2019 , hu paojak ma hamu, gabe Bibelvrow di HKBP Sidikalang II Resort Sidikalang II. Didongani jala di pargogoi ma hamu mangulahon ulaon i, bahen sangap di goarNa  Songoni ma nang di hamu amanami ( Dijalang Kel )Dipargogoi Tuhani ma hamu mandongani inang di panghobasion di Huria on   Amen!

8.      Pasahathon Tu Huria (Biv Pormina Tambunan S.Mis  ) Mangdop tu Huria

Praeses:

Hamu angka dongan Ruas dohot Parhalado Huria ni Tuhanta na di  Huria on, nunga hupaojak hami Bibelvrrow  na manghobasi Huria on, hupasahat hami ma nasida tu Huria on, jangkon hamu ma nasida di bagasan tangiang huhut urupi hamu asa manjadi ulaon nasida jala marlas ni roha nasida di Huria on.

Huria:

Di bagasan roha mauliate tu Debata Ama dohot Tuhan Jesus Kristus Raja ni Huria i dohot Tondi Parbadia hujangkon hami ma hamu inanmi Biv Pormina Tambunan S.Mis  manghobasi Huria on, sai di pargogoi jala diurupi Tuhanta ma hamu gabe pasupasu tu hurianta.

9.      Praeses:

Martangiang ma hita: Ale Tuhan Debata Amanami marhitehite Tuhan Jesus Kristus Raja jala nampuna huria i. Mauliate rohanami tu Ho jala pujionnami do goarMu, ai ndang dipaloas Ho huriaMi so marparmahan. Alai dipabangkit Ho do naposoM Biv Pormina Tambunan S.Mis  gabe Parjamita Ina di HKBP Sidikalang II on. Asi ma rohaM lehon ma TondiM na badia i margogoihon nasida, parsahalai, parbisuhi ma nasida, asa polin dibaritahon nasida hataMi. Lehon hahipason, hatoguon dohot hiras ni roha mangaradoti sude ulaon di Huria on. Tumpahi ma saluhut na ni ula nasida., jala sai patubuma hataM na binaritahon nasida asa marparbue di ngolunami, paboa siseanMu hami.  Pasupasu ma nang amanami  maradu sude ianakhon nasida . Hupaasahat tangiang name on marhitehite Goar ni  AnakMu Tuhan Jesus Kristus Tuhannami, Amen.

IV.    MANDOK HATA

1.      Hata patujolo sian Biv Pormina Tambunan S.Mis  

2.      Hata Panjanghonon:

a.  Mewakili Ruas  HKBP Sidikalang II                                           :                                      

b.  Mewakili Parhalado/ Parhalado Resort                           :  

c.  Mewakili Ruas/Parhalado HKBP ResTanjug Balai             :                              

d.  Hata bimbingan sian Praeses                                           :

20. MARENDE NO : No 651” 1 Huria na Huhalolongi Hami ( Jongjong Huria )

1.                  Huria na huhaholongi hami

            na pinajongjong ni Tuhanta i.

            Tung na so lupa sian rohanami Huria i

            Dohot ruasna i, dinasa hasusaan

            Tongtong do i manahan.

            Manggogo pe angka galumbang i,

            Tuhanta do pademakhon i,

            Martua do na not di Tuhan i.

21, Tangiang Pelean+ Pasu Pasu + Amen, Amen, Amen

V. ACARA RAMAH TAMAH                                 bidangmarturiahkbpdistrikvidairi.blogspot.com