Acara Ibadah Paskah II ( Borhat Borhat Pdt Arifin Barimbing Resort Jumateguh )

I.           Pangaradeon:

Prosesi (Partording ni barisan prosesi:  Namangobasi Minggu, Parhalado, jala marende ma Song Leader (molo adong), manang sude ruas mangendehon di ingananna be,huhut Jongjong  BE. No. 632 “Nunga Hehe Kristus

1.  JOUJOU PARSOMBAON TU DEBATA:

U    : Hamuna dongan sahuria, na marpungu do hita ari sadari  on marningot dohot manghalashon denggan basa ni Jahowa naung pinasatna tu hita saluhutna. Hamonangan ni Jesus sian hamatean gabe hamonangan nang di hita, i ma na tapestahon di ari Paskah paduahon on.Hupuji hami ma Ho Tuhan marhite parmingguonnami sadari on, Laos Paborhathon Amanami Pdt Arifin Baringbing STh Pandita Resort Juma Teguh naung jumolo marujung sian tongatonga nami na mangula salelengon di Resort on sai jangkon ma ibana di adopanmu asa marolopolop daging nang tondinami. :      Martangiang na hohom ma hita di bagasan rohanta pahibulhon roha dohot pikiranta laho marparsaoran na badia rap dohot Debata di tongatonga ni huriaNa.

           (Martangiang na hohom, manghuling musik BE. No.227 sa-ayat)

  Tapangiar ma soaranta mamuji Debata ala nunga ditaluhon AnakNa Tuhan    Jesus Kristus banua toru, marhite na marende sian BE. No. 90 : 1-3.

2. Marende BE No. 90: 1 - 2 ”Sai Tapuji Debatanta” BL 175

^♫♪♫ Sai tapuji Debatanta, ale hajolmaon i, ai naung hehe do Tuhanta, sian  hamatean i. Dipasidung Jesus i, UlaonNa sasude, patupahon haluaon di saluhut hajolmaon.

                                 (Jongjong)

^♫♪♫ Anggo utang ni dosangku, digarari Jesus i, i do haporseaonhu, di na tinaonNa i. Nunga tulus patik i, nunga mintop rimas i, di na hehe i Ibana, ro di au hangoluanNa

3. VOTUM – INTROITUS – TANGIANG:

   U :Marhitehite Goar ni Debata Ama dohot Goar ni AnakNa Tuhan Jesus Kristus dohot Goar ni Tondi Parbadia na tumompa langit dohot tano on.

 H :             Amen.

     U  : Jala di Ahu Unang ho mabiar, Ahu do bonana dohot ujungna.

 H : Na mangolu do, jala naung mate do Ahu najolo, jala i da ma, Ahu do na mangolu ro di saleleng ni lelengna.

     U  : Jala di Ahu do anakhinsu ni banua toru dohot hamatean. HALELUYA!

S   : (Mangendehon): Haleluya, Haleluya, Haleluya.

U    :             Martangiang ma hita: Ale Tuhan Jesus, Tuhannami! Na mandok mauliate do hami tu Ho, ala ditaluhon Ho do dosa dohot hamatean marhitehite hamamateMi, ala disondangi Ho tanomannami, asa marpangkirimon na mangolu hami ala ni haheheonMi. Ndang pola be mabiar hami mida hamatean, ai Ho do ulunami, ruasMu do hami. Dipaunsat Ho do hami sian haholomon tu hatiuron, sian hamatean tu hangoluan. Antong pargogoi ma hami mamuji dohot mangoloi Ho ariari, pasangaphon Ho dibagasan haporseaon na mangolu, paima sahat hami tu lambungMu. Huboan hami ma di Tangiang nami Amanami Pdt Arifin Baringbing STh on ain ma ibana di lambung Mu Apuli ma keluarga nang hami saluhut ruas ni HuriaM, Asa tarapul situtu rohanami ala ni panghophopnMi di hau Parsilangi, Amen.                                                       (~~hundul~~~)

4. Koor :

5.  Marende BE No. 93: 3   “Pesta Paska Hatuaon”                      BL. 91

         ^♫♪♫ Tuhan Jesus do na monang, Tuhan Jesus do pasuang

     Las ni roha, dame pe, las ni roha, dame pe,

     Dongan, golom ma hataNa, na porsea di Ibana ndang tarbahen mago be.

6. P A T I K:

U :Patik ni Debata sihangoluhononta di bagasan pestanta sadari on, tarsurat di Lukas 24 : 46 - 48: Dung i ninna ma mandok nasida: Songon i do tarsurat hian, manaon na porsuk Kristus i jala hehe sian na mate di ari patoluhon.

 H : Jala baritahononhon ma marhitehite Goarna hamubaon ni roha mangalap hasesaan ni dosa, tu sude angka bangso, mamungka sian huta Jerusalem.

 U :Hamu do mangkatindangkonsa. I ma sahatna, rap ma hita mangido gogo sian Tuhanta:

 H :  Ale Tuhan Debata, sai pargogoi ma hami mangulahon na hombar tu patikMi. Amen.

7. Koor :

8. Marende BE No. 171: 1-2   “Tandai ma au”        BL.49

     ^♫♪♫ Tandai ma au, sungkapi ma dohot rohangku.

              Uji ma au, pamanat huhut ma dalanhu. Olo ditanda Ho au Debata.              

                                               (Jongjong)

                   ^♫♪♫ Asi ma rohaM, taringot tu pangalahongku.

                    Olo tutu, jotjot do na lilu dalanhu. Sesa dosangku, sude Debata.

9. PANGARIMANGON DI PARDALANAN NI NGOLU:

U         :Hamuna angka dongan na hinaholongan, Haporseai ma Kristus naung hehe i, ima joujou di hita  asa tung porsea hita jala marlasniroha ala haheheon ni Kristus i manaluhon huaso ni banua toru. Mansai maol do tarjalo roha ni portibion haheheon sian hamatean i, hape siala haheheon ni Jesus i, sai hehe do nang hita muse sian hamateanta be jala malua hita sian dosa.

H         :Pinuji ma Debata, naung mangalehon haluaonta sian dosa marhite panobusion ni Kristus Jesus Tuhan i. Naso tupa dapot hita haluaon i ala ni ulaon na denggan, manang gogonta sandiri, holan asiniroha ni Debata do i marhite mudar ni Kristus Jesus.

U         :Dalan manjalo haluaon i ima haporseaon, holan marhite haporseaon do  gabe dipintori hita jala malua sian dosanta. Haporsea i ma Kristus naung hehe i jala pauba roham.

H         :Alai hamu angka haholongan, pauliuli hamu ma dirimuna di atas  haporseaonmuna na badia situtu, jala martangiang dibagasan Tondi Parbadia.

U         :Ramoti hamu ma dirimuna di bagasan holong ni roha ni Debata. Maimaima ma hamu di asi ni roha ni Tuhanta Jesus Kristus, asa sahat hamu tu hangoluan salelenglelengna. Di Debata nasasada i, napaluahon hita marhitehite Jesus Kristus Tuhanta i, di Ibana ma hasangapon, hamuliaon, hagogoon dohot parhuasoon sian mula ni mulana, nang nuaeng, nang ro di salelenglelengna. Amen

R :       (Mangendehon )BE.HKBP. No. 467 :1“ Asi ni rohaM hupuji” BL. 315

AsinirohaM hupuji ala Ho manobus au

     Dipaias Ho rohangku gabe soranganMu au

     IngananMu rohanami TondiMi manggohi i

     Pangke dohot ngolunami gabe ulaulaMi   ( Jongjong )

U :Sai ditogutogu Tondi ni Debata ma hita, asa  tarbahen hita manongtong manhaporseai Kristus Jesus naung hehe i.  Amen.

10. TANGIANG MANOPOTION NI DOSA:

     U    :Ale Debatanami, na marasiroha jala na badia, Amanami, marhitehite Tuhan Jesus Kristus. Manang piga hali hami rotu joloM, huhilala hami, ringkot do asi ni rohaM di saluhut hami halak pardosa. Ala ni i do umbahen na hupaserep hami dirinami sadari on di joloM, jala huparhatopot hami tung na jojot do hami manimbil sian angka dalanMu na badia songon birubiru na lilu.

     SL= Mengendehon BE No. 182 : 2 ”Tu JoloM O Debatangku” BL.24

           ^♫♪♫ Husolsoli do rohangku, Na gok dosa i tongtong,

            Ai godang ariaringku,  Na hubahen ambolong.

    U3   :Sai unang pabali hami sian joloM ala ni dosanami i, ai ndang  dihalomohon rohaM hamatean ni angka pardosa, alai hamubaon ni rohana do lomo ni rohaM, asa mangolu. Sesa ma saluhut hageduhonnami dohot pangalaosionnami marhitehite pangolunami na sasada i, AnakMu Tuhan Jesus Kristus.

                Sude Mengendehon BE No.182:3 ”Tu JoloM O Debatangku” BL.24

               ^♫♪♫ Sai jotjot do hutadinghon,  DalanMi na tigor i,

                      Kristen au, hape  hutondong,  Dalan hamagoan i.

   U     :Sai pahot ma asi ni rohaM di hami marhitehite panindangion dohot hagogoon ni Tondi Parbadia asa tarapul situtu rohanami manjou Ho, asa pantun, tigor jala daulat hami marpangalaho, bahen hasangapon di GoarMu na badia i. Amen.

          Sude Mengendehon BE No. 94 : 3 ”Ale Tondingku Naung Hehe” BL.44

             ^♫♪♫ Tahaburjuhon mangalo dosanta, Jala tabaen Tuhan Jesus donganta.

                  Pos ma rohanta di Tuhanta i, PamonangonNa do hita sude.              

                  PamonangonNa do hita sude

    U    :Tabege ma Hata bagabaga taringot tu hasesaan ni dosa: Munsat pe angka dolok, jala humuntal angka robean, alai anggo parasi ni rohangKu na so tupa munsat sian ho, jala padan ni hadameonKu na so tupa humordit, ninna Jahowa Siasii ho. Hasangapon ma di Debata na di ginjang.

R  :             Amen !                                                                       ~~~Hundul~~~

11. Marende BE No. 363 : 11 “Mauliate Dok Hamuna” BL.194

       ^♫♪♫ Ianggo batu binolongkon, ni angka pande bagas i

            Jahowa do na pajongjongkon, baen batu na di suhi i

            Na pinatupa ni Jahowa, do i na longang situtu

            Do roha ni na marnidasa, huhut marsomba be burju.

12. E P I S T E L: (U=Uluan; R:Ruas; N: Naposo; A: Ama; I: Ina)

    U   : Epistel di hita di Minggu Paskah sadari on tarsurat di Ulaon ni Apostel 4 : 5 – 12 : Alai di torang ni arina i marpungu ma di Jerusalem angka pangituai nang angka sintua ro di angka sibotosurat,

H  : Rap dohot si Hannas, sintua ni malim i, dohot si Kayapas, si Johannes dohot si Aleksander ro di sude sisolhot ni sintua ni malim i.

   U : Jadi dipajongjong ma nasida tu tongatonga, dipamanat ma: Gogo ni ise manang goar ni ise dipangasahon hamu patupahon i?

H  : Dung i gok Tondi Parbadia ma si Petrus, didok ma tu nasida: Hamu angka na sangap ni bangso on jala pangituai!

 U   : Molo pola tangkasan hami sadari on ala ni denggan basa i na tu sada halak na hansitan, manang marhite sian ise ibana malum, boto hamu ma saluhutna ro di sude bangso Israel:

H  : Jongjong pe halak on hisar di jolomuna, sandok marhitehite Goar ni Jesus Kristus na sian Nasaret i do, na pinarsilangkonmuna, na pinangolu ni Debata sian na mate!

  U  : Ibana do "batu na binolongkon ni hamu angka pande bagas i, naung gabe batu parsuhisuhi."

H  : Asa ndang adong haluaon di bagasan manang ise na asing; ai ndang adong goar na asing ditoru ni langit dilehon tu jolma, parhiteanta tu haluaon.

    U   : I ma sahatna. Martua do na tumangihon Hata ni Debata jala na umpeopsa.

H  : Amen.

13. Marende BE No. 89: 1+5   “Ate Di Dia Soropmi”   BL.130

         ^♫♪♫ Ate di dia soropmi nuaeng, o hamatean ?

             Di dia hamonanganmi, nuaeng banuatoru ?

             Na talu do hamu sude, na talu do sibolis pe, ai ditaluhon Jesus

                                                 (Jongjong)

                  ^♫♪♫ Ai manang ise na burju, paubahon rohana 

                  Na mangalehon situtu, di Jesus i rohana 

                  I do dongan ni  Jesus i, tumean hangoluan i, saleleng ni lelengna.

14. MANGHATINDANGHON HAPORSEAON:                       

 U   :             Rap ma hita manghatindanghon haporseaonta i songon panghatindanghonon ni donganta sahaporseaon di sandok portibi on, rap ma hita mandok.

H  : Ahu porsea ...                                                         ~~~ hundul ~~~

14. Sunggul-Sunggul

15. Tangiang Pangondianon

16. Marende BE No. 633:1 .“Nunga Hehe Kristus I”(Papungu Pelean la + lb)

          ^♫♪♫ Nunga hehe Kristus i haleluya, sian hamatean i, Haleluya.

       Parlangitan jouhon ma, Haleluya, tano on alusi ma, Haleluya.

                    ^♫♪♫ Singkop panghophopNa i, Haleluya, gok hamonanganNa i, Haleluya.

                     Sondang haluaon i, Haleluya, patiur dalanta i, Haleluya.

                               --- Organ ---

^♫♪♫ Tartaban naroko i, Haleluya, di baen Tuhan Jesus i, Haleluya

               Nunga mungkap surgo i, Haleluya, di na tinobusNa i, Haleluya.

          ^♫♪♫ Monang do Tuhanta i, Haleluya, talu hamatean i, Haleluya

                      Mago do sorop na i, Haleluya, ala monang Tuhan i, Haleluya.

                             --- Organ ---

^♫♪♫ Sangap ma di Tuhan i, Haleluya, puji ma goarNa i, Haleluya.

               Baen hamonanganNa i, Haleluya, manondangi ngolumi, Haleluya.

         ^♫♪♫ Raja hangoluan i, Haleluya, na sun hinagogo i, Haleluya

                     Jalo ma pujianhi, Haleluya, nang holong ni rohangki, Haleluya.

                                                  --- Organ ---

17.JAMITA: Jesaya 63 :7 – 9(Praeses HKBP Distrik VI Dairi)

18. Marende BE No.92:1-6 “Pujima na manaluhon”        BL 178

(Pelean tu Ulaon Diakoni Sosial/Caritas Emergency HKBP) Pasahathon Silua

^♫♪♫ Puji ma na manaluhon dosa hamatean i, Puji ma na Pangoluhon saluhut  pardosa i Jesus na dung mate i, las roham, o huriaNa,  Ala na mamillit ho, Jesus i, mangolu do

  ^♫♪♫Tole hita mangendehon halalas ni roha i, Dohot marolopolophon sangap ni na monang i Na tongtong mangolu i, tole hita mangendehon,

  Halalas ni roha i di parngolu Jesus i.

--- Organ ---

^♫♪♫  I do las ni rohanami lao mamujimuji Ho,  Ndang be sitoruan hami ala na dung mate Ho Dungkon ni mangolu Ho, nunga ringan tondinami,  Sian hangoluanMi ala hamonanganMi

^♫♪♫ Uju i, di na manogot di na buha siang i, Mijur do surusuruan laho tu tanomanMi  Dung diungkap batu i dipahundul ma lbana,

                        Paboahon di na ro ndang be di bagasan Ho

--- Organ ---

           ^♫♪♫ Tu tanoman si Maria paturehon bangkeMi, Tung beha ma di rohana dung dibege hataMi  Dohot mangalusi i? Au pe, idaonhu sogot.

  Ho di hasangaponMi. Ho, o Jesus, Tuhanhi

       ^♫♪♫ Molo hehe pamatangku, molo pinasangap au, Idaonku Debatangku Jesus Sipangolu au.  Suman tu lbana au molo hehe pamatangku,

                    Jadi ngolungoluMi gabe hangoluanki       --- Organ ---

19. P A R S U R U O N:

U  : Haleluya nunga hehe Kristus i. Nunga marsaringar tu tongatonganta Hata ni Debata na mamaritahon tu hita taringot tu haheheon ni Tuhan Jesus sian na mate. Ndang tartiopi hamatean i Tuhan Jesus. Songon dia pe balga dohot borat ni batu na manghinsu baba pintu ni tanoman ni Tuhan Jesus ndang margogo manahan Tuhan Jesus sian tanoman i. Haheheon ni Tuhan Jesus mangungkap dalan tu angka na porsea i tu haheheon sogot laho bongot tu hangoluan na saleleng ni lelengna. Kristus naung hehe sian na mate, Ibana ma parjolo ni angka na monding.

R  : Hita pe hehe do muse.

U  : Huria ni Tuhanta, torop dope na so manghaporseai haheheon ni Tuhan Jesus. Alani i tabaritahon ma heheheon ni Tuhan Jesus i tu saluhut halak, tu angka na so porsea do pe, asa parsidohot nasida tu haluaon dohot tu hangoluan na salelenglelengna i.

R  : Mangendehon BE No. 627: 4  “Jesus Naung Hehe”

                   ^♫♪♫ Tabaritahon Tuhanta i, na hehe jala magolu i.

                     Singkop do panghophopanNa i, di hita jolma pardosa i.

                     Las ma roham puji ma Tuhan i ala naung talu hamatean i.

                     Sesa dosanta haleluya mangolu Jesus haleluya.

20. Tangiang Pelean - Tangiang Ale Amanami- Pasupasu -  Mangendehon :  Amen – Amen - Amen.

RUAS /DAN PARHALADO HKBP RESORT JUMATEGUH MENGUCAPKAN

Kepada Amang Pdt ARIFIN BARINGBING STh,

Pangojakhonon Pdt Fandry Hasudungan Simatupang HKBP Parmonangan Ress Parongil

PANGARADEON:

Prosesi , Praeses, Pandita , dohot Parhalado sian Konsistori mamasuhi bagas joro di iringi BE. No. 666 “Ingkon do boanonta Barita” (Jongjong ma Huria)

II.        PARMINGGUON

1.         JOUJOU TU PANGARADEON

U:        Horas ma di hita sude! Parhalado dohot ruas ni HKBP  Parmonangan  Resort Parongil Distrik VI Dairi, Tama do hita mandok mauliate tu Debata pardengganbasa i, ala diloas dope hita marsaor di bagas joroNa, laos di Minggunta sadari on, Ojakhononta ma Pdt Fandry Hasudungan Simatupang, STh  marhobas di Hurian ta on Antong, taparade ma rohanta mamuji dohot pasangaphon Tuhanta, marende ma hita :

2.       MARENDE BE. NO. 125: 1-3  Marlasniroha Hitaon” BL. 82

          1.  Marlasniroha hita on Mamuji Debata

           Ai asi ni rohaNa i Do bongot tu rohanta i

           Umbaen nuaeng mardomu i Dison sadari on Dison sadari on

           2. Dibaheni manggogo be Ma hita on sude

           Mamuji Tuhan Jesus i Parasiroha godang i

           Sibaen las ni rohanta i Nuaeng nang sogot pe Nuaeng nang sogot pe

~~~~~ jongjong ~~~~~

          3. Alai taingot ma huhut Mambaen sangap  tongtong

              Barita ni Tuhanta i Marhite parangenta i

             Di jolo ni donganta i Di atas tano on Di atas tano on

3.         VOTUM - INTROITUS

U:        Marhitehite Goar ni Debata Ama, dohot Goar ni AnakNa Tuhan Jesus Kristus, dohot Goar ni Tondi Parbadia na tumompa langit dohot tano on. Amen! Tigor do angka dalan ni Jahowa, jala halak partigor mardalan disi; alai anggo halak parjahat tarsulandit do disi. Haleluya!

H  :       (Mangendehon : Haleluya, haleluya, haleluya)

U  :      Martangiang ma hita: Ale Tuhan Debata, parasiroha jala na bonar mauliate hudok hami, ala dipabinsar Ho tu hami Barita na Uli, na manondangi rohanami. Ai ala ni i umbahen hutanda hami Ho dohot lomo ni rohaM. Dipangido rohanami naeng mangulahon lomo ni rohaM hami saleleng di ngolu on, jala naeng martua hami bahenonMu. Sai parbadiai ma rohanami marhitehite TondiM, jala pargogoi ma hami mangorom hisaphisap dohot manggotaphon roha portibi on. Sai palas ma rohanami mangoloi Ho ala ni AnakMu Tuhan Jesus Kristus Tuhan nami. Amen!       ( h u n d u l )

4.         MARENDE BE. NO. 656: 2 “PARHAHAMARANGGION”         BL.  656

Togu ma hasadaon I; di ojahanna i,

Sada haporseaon I, di Tuhan Jesus i.

Ai sada pandidion I, ai sada Ama i,

Sada ma hita Kristen I manomba Tuhan i.

5.         PATIK

U  :      Tangihon hamu ma Patik ni Debata i ma Patik pa V Hon dohot Lapatanna :  “Ingkon Pasangapon mu do natorasmu asa martua ho jala leleng mangolu di tano nanilehon ni Jahowa Debatam di ho” dia do lapatan ni On do Ingkon dihabiari rohanta Debata jala ingkon holong rohanta di Ibana, asa unang lea rohanta mida natorasta dohot mida angka rajanta ro di angka natuatuanta, Ndang jadi parooanta rimas nasida, ingkon pantun do hita jala ingkon holong rohanta tu nasida jala sisubuton do rohana I ma sahatna. Antong rap mangido gogo ma hita sian Tuhan Debata laho mangulahon PatikNa i.

U/H :    Ale Tuhan Debata, sai pargogoi ma hami mangulahon na hombar tu PatikMi, amen.

6.      KOOR:   

         KOOR:   

7.      MARENDE BE. NO. 683: 1-2   “DI ADOPANMU JESUS” BL 683

Di adopanMu Jesus lea tutu do diringkon

Dibaen godang ni dosangkon di adopanMu Jesus   ~~~ jongjong ~~~

            Di adopanMu Jesus marsomba au huhut tungki

            Lao manopoti dosangki di adopanMu Jesus

8.         MANOPOTI DOSA

U:        Huria ni Tuhanta, tahalashon do pambahenan dohot pangaramotion ni Tuhanta di hita ganup marsadasada. Alai nang pe songon i, ingkon rajumanta do pardosa hita marhite sude angka pangalaosionta. Ala ni i tapangido ma hasesaan ni dosanta:

(Tingki na hohom)

            ----- Organ mangendehon BE. No. 683 angonangon -----

U  :      Ale Debatanami parasiroha jala na badia, Amanami marhitehite Tuhan Jesus Kristus! Manang piga hali hami ro tu joloM, huhilala hami ringkot do asi ni rohaM di saluhut hami halak pardosa. Ala ni i do umbahen na hupaserep hami dirinami sadari on di joloM, jala huparhatopot hami, tung na jotjot do hami manimbil sian angka dalanMu na badia i. Sai unang pabali hami sian joloM ala ni dosanami i.

H   :      (Mangendehon angonangon  BE. No. 683 : 3  “Di adopanMu Jesus”)

                          Di adopanMu Jesus tarsolsol bagi rohangkon

                         Muba ma au tu jolo on di adopanMu Jesus

U:        Asi ma rohaM di hami, sai patongtong ma di hami roha hamauliateon tu Ho. Pamalum ma saluhut na bernit binahen ni dosanami. Ro ma Ho mangingani hami, asa marlas ni roha hami mangulahon lomo ni rohaM.

H:        Molo hupaingotingot hami pangalahonami nasailaon na i, godang do hahurangan, dosa nang pangalaosionnami maradophon Debata. Jotjot do huarsahi hami dongannami, dongan sajabu, dongan sahuta, dongan saulaon, dongan sahuria, suang songon i angka natoras dohot sisolhot pe. Ale Tuhan, asi ma roham di hami.

U:        Ale Tuhan, asi rohaM, molo sipata gale ruas ni huriaM, sipata lupa manghamauliatehon denggan ni basaM, lupa manangianghon huriaM, lupa manangianghon nang naposoM. Hurang malo ruasMi marparsaoran dohot naposoM, ajari ma jala paingot sude ruas ni huriaM asa sai tongtong manghalashon huhut manangiangkon angka napasoM na pinillitMu pararathon Barita na Uli i.

H   :     (Mangendehon angonangon BE. No. 688 : 1-2 “Tuhan”)

            Tuhan jotjot do marsak donganki, ala na sala pambahenanki

            Hatangku langka nang parulanki, jora ma au.

                   Pangkulingki pe tupa so une, mambaen jut roha ni donganku pe

                   Pingkiran, hata na hurang ture, jora ma au.

U:        Bagabaga ni Debata taringot tu hasesaan ni dosa! “Parasiroha jala pardenggan basa do Jahowa, lambat tarrimas jala parasiroha godang. Ndang dibahen tu hita hombar tu angka hajahatonta. Songon asi ni roha ni amaama mida angka anakna, asi ni roha ni Jahowa di angka na manghabiari Ibana”. Hasangapon ma di Debata na di ginjang!

H   :  Amen!                                                                               ( h u n d u l )

9.      KOOR:                      

10.  MARENDE BE. NO. 461: 1 “SONGGOP TU HAMI”             BL. 407

Songgop tu hami na di joloMon, o Tondi ni Debatangki

Uhir patikMu tu rohangkinon,O Tondi  ni Debatangki

Bereng siholhu di haroroMi, molo Ho ro, nda hisar tondingki

Didihon ma tu au on apiMi, O Tondi ni Debatangki

11.  E P I S T E L

U:        Epistel di Minggu sadari on tarsurat di  Poda 15:1-9 songonon na hatana

Alus na lambok paombun rimas, alai anggo hata na horas mambahen marsijongjong ateate.

H:        Dila ni halak na pistar paholpu parbinotoan, alai anggo pamangan ni * halak na oto marbullakbullakkon haotoon.

U:        Manatap manonggor do mata ni Jahowa tu liat portibi on, marnida halak na jahat dohot na denggan marroha.

H:        Dila halambohon do sada hau hangoluan, alai anggo ansiansi marhite sian i, hasedaon ni roha di bagasan do i.

U:        Halak na oto mangkasogohon pangajaran ni amana, alai jolma na bisuk do manang ise na marateatehon pinsangpinsang.

H:        Di bagasan jabu ni halak partigor do godang arta, alai parohon hagaoron do anggo parsaulian tu parjahat.

U:        Pamangan ni halak na pistar manaburhon parbinotoan, ndang songon i anggo roha ni halak na oto.

H:        Marbiasbias do roha ni Jahowa mida pelean ni halak parjahat, alai anggo tangiang ni halak partigor lomo ni rohana do i.

U:        Marbiasbias do roha ni Jahowa mida dalan ni parjahat alai dihaholongi rohana do manang ise na mareakkon hatigoran.        

I ma sahatna. Martua ma  na tumangihon Hata ni Debata, jala na umpeopsa.

H  :      Amen !

12.   KOOR :

13.  MARENDE BE. NO. 512: 3+5  “DIDALANI JESUS”            BL.  352

3.      Dongan, pinalua ni Tuhanta i,

Taondingi, taapoi na lilu i. Asa lam dame luatta , lam ture,

Itahaholongi ma donganta be.

Koor: Hahaanggi,……

                                                                                    ~~~ jongjong ~~~

5.      Ganggu roha mida pangunjunan i,

Moru pe gogonta lao marungkil i.

Sai tabereng dompak Jesus Tuhan i,

Ganda hiras ni rohanta baenon nii.

Koor: Hahaanggi,……

14.  MANGHATINDANGHON HAPORSEAON

U:        Tahatindanghon ma haporseaonta i, songon na hinatindanghon ni donganta sahaporseaon di sandok portibi on. Rap ma hita mandok :

U/H:     Ahu Porsea…………..d.u…………Amen.          ( h u n d u l 

15.   T I N G T I N G (WARTA JEMAAT) /TANGIANG PANGODIANON

16.   MARENDE BE. NO. 743: 1…. “O TUHAN TOGUTOGU MA”BL.  743

                  (Papungu Pelean Ia + Ib)

                    O Tuhan togu-togu ma au,

            tu dalan lomo ni rohaMi,

Raphon Ho sonang mardalan au,

nang rahis maol sidalananki,

TondiMi baen manggohi au on,

Margogoihon au naposoMon,

Pasangap Ho dingolungkon,

Paima sahat tu surgo au on.

          MUSIK

                   Panghulingi ma au O Tuhan,

Na rade tumangihon hataM,

Sai tumpahi ruasMu Tuhan,

Na uasan nuaeng di hataM,

Sai patau ma au on naposoM,

Manjou halak na dao sian Ho,

Ro di na so tumanda Ho,

Muba gabe pangoloi di Ho

17.  JAMITA : Johannes 15:1-8  (Pinatolhas ni Praeses HKBP Distrik VI DAIRI )

18.  MARENDE BE. NO. 727 : 1 “HUPILLIT ASA MARPARBUE”  BL 727

                             (Papungu Pelean II )

1.                  Songon on didok Tuhanta Jesus : Ahu do na mamillit hamu

Asa lao hamu na marparbue jala mian parbuemuna I,

                  Hupadiri asa lao marparbue; jala mian parbuemuna i.

                  Hita na pinillit ni Tuhanta, ingot ma hata ni Tuhan I

                  Parbuehonna nasa na denggan, na hombar tu patik ni Tuhan I,

                  Na tarjou do hita paimbaru diri, dibagasan Kristus Tuhanta i.

                  Tarsolsolli ma nasa dosanta tapauba ma rohanta,

                  tapelehon ma nasa dirinta, baen pelean na mangolu na badia

                  di Tuhanta na hinalomohon ni Debata. Amen.

                  ~~~~ musik ~~~~

2.                  Hita na pinillit ni Tuhanta, taradoti panjouon I,

Paturehon angka na badia, asa tang marhaporseaon I,

Jala monang disude parungkilonna

Magasahon Kristus Tuhanta i.

Tu timbo na pe parbinotoan, tu malona manisia I,

Lam doras pe angka parsaoran, lam soada na mamolati I,

Nang pe tingki tu hatopna mubauba

Sai na hot do hata ni Tuhan i.

Pargogoi ma ruas ni Huria dohot rakyat ni bangsonta

Asa tau manjalo pasu-pasu, nang hatop pe parhusoran,

Di sude na partingkian, lam porsea hita tu Debata.

III.    ACARA MANGOJAKHON ULUAN NI HURIA ( Ditingki Marende No 729: 1 ro ma Pdt Fandry Hasudungan Simatupang STh tu Jolo ni Langgatan )

Marende No 729 : 1

1.                  Laho ma hamu tu liat portibion Ninna Jesus Kristus Tuhan i

Ninna Jesus Kristus Tuhan i Asa marlas ni roha ma langit

nang dohot hajang hajang i marolop olop angka ladang i

ro dihau na diharangan i.

Baritahon ma Barita na uli i Tu saluhut na tinompa i

tu saluhut na tinompa i.  Martopaptopap sunge i

Marhasakhasak tao nang laut i Marolop olop ma portibion nang

Sudena pangisina i. Amen.

1.      PRAESES:

Hamu angka dongan ruas dohot Parhalado huria ni Tuhanta na di Huria on, di ari on, laos paojakhon do   Uluan ni Hurianta  na imbaru. Mardomu tusi tabege ma jolo Surat Keputusan ni Pimpinan HKBP taringot tu penempatan nasida.

2.       Manjaha Surat Keputusan:

                 (Jinahahon ni Sekretaris Distrik )

3.      PRAESES:

Hamu Pdt Fandry Hasudungan Simatupang STh nunga dibege hamu Surat Keputusan ni Pimpinan HKBP taringot tu penempatan muna gabe Uluan Huria  HKBP Parmonangan Ressort Parongil . Antong tabege ma ulaon ni Uluan ni Huria   HKBP hombar tu Aturan dan Peraturan HKBP 2002 dung Amandemen II Bindu 4 Poin 3.2 halaman 34 – : ( (Jinahahon ni : Pandita Resort)

4.      Ulaon ni Uluan ni Huria

1.         Manguluhon Huria marsadasada sumangkapi dohot pasauthon angka ulaon panghobasion hombar tu si tolu panjouon ni huria

2.         Manguluhon Parhalado na Gok tingki hombar tu parsagi ni ulaonna be.

3.         Manguluhon Rapot ni Huria, Rapot Parhalado, partohonan dohot pamilliton ni angka pengurus ni dewan, seksi dohot Panitia Pembangunan 

4.         Patulushon napinutushon ni Sinode Godang, Sinode Distrik, Rapat Majelis Pekerja Sinode, Rapot Majelis Pekerja Sinode Distrik, Rapot Resort, Rapot Parhalado Resort, Rapot Huria, Rapot Parhalado partohonan

5.         Mangaramoti manogunogu pahinsathon mutu ni panghobasion di parartaon dohot administrasi ni Huria i.

6.         Manjalo  laporan pertanggungjawaban ni ganup dewan

7.         Pasahathon laporan taringot tu pangulaon, statistic dohot keuangan ni huria tu Pandita Resort dohot tu Rapot Huria

5.    Praeses:

Hamu Pdt Fandry Hasudungan Simatupang STh nunga dibege hamu Aturan ni Huria taringot tu ulaon ni Uluan ni Huria. Antong na manungkun ma ahu nuaeng  tu hamu, di jolo ni angka dongan na marpungu di son dohot  di jolo ni Tuhan Jesus  Kristus, Raja jala nampuna Huria i : Na olo do hamu paojakhon gabe Uluan ni Huria HKBP Parmonangan Resort Parongil on?  Na olo do hamu mamelehon dirimuna mangaradoti angka ulaon i hombar tu na diaturhon di HKBP ? Dok hamu ma alus muna.

6.    Pdt Fandry Hasudungan Simatupang STh:

Na olo do ahu, sai didongani Asi Ni Roha ni Debata ma ahu patupahon saluhutna i

7.      PRAESES  (Huhut Masijalangan):

Marhitehite  Goar Ni Debata Ama, dohot Goar ni AnakNa Tuhan Jesus Kristus dohot Goar ni Tondi Parbadia, ahu Praeses HKBP Distrik VI Dairi di Minggu Jubilate 12 Mei 2019 on, hu paojak ma hamu, gabe Uluan ni Huria di HKBP Parmonangan Resort Parongil. Didongani jala di pargogoi ma hamu mangulahon ulaon i, bahen sangap di goarNa. Amen!

8.      Pasahathon Tu Huria (Pdt Fandry Hasudungan mangadophon Huria)

Praeses:

Hamu angka dongan Ruas dohot Parhalado Huria ni Tuhanta na di  Huria on, nunga hupaojak hami Uluan ni Huria  na manguluhon Huria on, hupasahat hami ma nasida tu Huria on, jangkon hamu ma nasida di bagasan tangiang huhut urupi hamu asa manjadi ulaon nasida jala marlas ni roha nasida di Huria on.

Huria:

Di bagasan roha mauliate tu Debata Ama dohot Tuhan Jesus Kristus Raja ni Huria i dohot Tondi Parbadia hujangkon hami ma hamu Amanami  Pdt Fandry Hasudungan Simatupang STh manguluhon Huria on, sai di pargogoi jala diurupi Tuhanta ma hamu gabe pasupasu tu hurianta.

9.      Praeses:

Martangiang ma hita: Ale Tuhan Debata Amanami marhitehite Tuhan Jesus Kristus Raja jala nampuna huria i. Mauliate rohanami tu Ho jala pujionnami do goarMu, ai ndang dipaloas Ho huriaMi so marparmahan. Alai dipabangkit Ho do naposoM Pdt Fandry  Hasudungan Simatupang STh  gabe Uluan ni Huria di HKBP Parmonangan on. Asi ma rohaM lehon ma TondiM na badia i margogoihon nasida, parsahalai, parbisuhi ma nasida, asa polin dibaritahon nasida hataMi. Lehon hahipason, hatoguon dohot hiras ni roha mangaradoti sude ulaon di Huria on. Tumpahi ma saluhut na ni ula nasida., jala sai patubuma hataM na binaritahon nasida asa marparbue di ngolunami, paboa siseanMu hami. Hupangido hami tu Ho tangiang namion marhitehite Goar ni  AnakMu Tuhan Jesus Kristus Tuhannami, Amen.

IV.    MANDOK HATA

1.      Hata patujolo sian Pdt Fandry  Hasudungan Simatupang STh

2.      Hata Panjanghonon:

a.  Mewakili Ruas  HKBP Parmonangan                                    :                                      

b. Mewakili Parhalado/ Bestur Resort  Parongil             :  

c. Mewakili Ruas/Parhalado HKBP Resort Pangururan    :                                          

d.  Hata bimbingan sian Praeses                                     :

19. MARENDE NO : No 651” 1 Huria na Huhalolongi Hami ( Jongjong Huria )

1.                  Huria na huhaholongi hami

            na pinajongjong ni Tuhanta i.

            Tung na so lupa sian rohanami Huria i

            Dohot ruasna i, dinasa hasusaan

            Tongtong do i manahan.

            Manggogo pe angka galumbang i,

            Tuhanta do pademakhon i,

            Martua do na hot di Tuhan i.

19. Tangiang Pelean+ Pasu Pasu,

20. Amen Amen

V. ACARA RAMAH TAMAH  ( diatur tersendiri )

SELAMAT DATANG DAN SELAMAT MELAYANI

Pdt FANDRY HASUDUNGAN SIMATUPANG STh

TUHAN MEMBERKATI

bidangmarturiahkbpdistrikvidairi.blogspot.com