ACARA PANGOJAKHONON GR DANNY LEON TOGATOROP

PANGARADEON:

Prosesi , Pandita , dohot Parhalado sian Konsistori mamasuhi bagas joro di iringi BE. No. 666 “Ingkon do boanonta Barita” (Jongjong ma Huria)

II.        PARMINGGUON

1.         JOUJOU TU PANGARADEON

U:        Horas ma di hita sude! Parhalado dohot ruas ni HKBP  Batu Gun-gun Resort Tigalingga, Tama do hita mandok mauliate tu Debata pardengganbasa i, ala diloas dope hita marsaor di bagas joroNa, laos di Minggunta sadari on, Ojakhononta ma Gr Danni Leon Togatorop  marhobas di Hurian ta on Antong, taparade ma rohanta mamuji dohot pasangaphon Tuhanta, marende ma hita :

2.       MARENDE BE. NO. 210: 1-3  “O TUHAN NA MARASIROHA” BL. 109

             O Tuhan na marasi roha, na so tardodo jolma i

                        Torop do halak sipardosa, na rap mamuji goarMi

                        Dibaen basaM na godang i, marhitehite Jesus i

                          Dibahen Ho do pardengganan, pasaehon dosa i sude

                         I do manghorhon haluaon, di hita na tarjea i

                         I pe mauliate ma au on di Ho o Debata.

``````~~~~~ jongjong ~~~~~

              Naung ro do Tondi Parbadia tu huriaM sinuruMi

            Manunggul roha na porsea di nasa na pinillitMi

            Mamuji Ho do ala ni rohangku na imbaru i

3.         VOTUM - INTROITUS

U:        Marhitehite Goar ni Debata Ama, dohot Goar ni AnakNa Tuhan Jesus Kristus, dohot Goar ni Tondi Parbadia na tumompa langit dohot tano on. Amen! Tigor do angka dalan ni Jahowa, jala halak partigor mardalan disi; alai anggo halak parjahat tarsulandit do disi. Haleluya!

H  :       (Mangendehon : Haleluya, haleluya, haleluya)

U  :      Martangiang ma hita: Ale Tuhan Debata, parasiroha jala na bonar mauliate hudok hami, ala dipabinsar Ho tu hami Barita na Uli, na manondangi rohanami. Ai ala ni i umbahen hutanda hami Ho dohot lomo ni rohaM. Dipangido rohanami naeng mangulahon lomo ni rohaM hami saleleng di ngolu on, jala naeng martua hami bahenonMu. Sai parbadiai ma rohanami marhitehite TondiM, jala pargogoi ma hami mangorom hisaphisap dohot manggotaphon roha portibi on. Sai palas ma rohanami mangoloi Ho ala ni AnakMu Tuhan Jesus Kristus Tuhan nami. Amen!       ( h u n d u l )

4.         MARENDE BE. NO. 121: 1 “JESUS RAJA NI HURIA”                 BL.  97

             Jesus, Raja ni huria na porsea, Na badia pasupasu ma au on

            Sai sungguli ma rohangku mangihuthon Ho, Rajangku

            Pargogoi ma au tongtong pargogoi ma au tongtong

5.         PATIK

U  :      Tangihon hamu ma Patik ni Debata i ma na tarsurat di 1 Petrus 3: 8-9:  “Angkup ni i, saroha ma hamu saluhutna, sapangkilalaan, angka na marholong ni roha di dongan, na marasi ni roha, na serep! Unang ma baloshon hamu na jat alo ni na jat, panginsahion alo ni panginsahion; lam mamasumasu ma hamu, ai naeng teanonmuna do pasupasu, umbahen na tarjou hamu”. I ma sahatna. Antong rap mangido gogo ma hita sian Tuhan Debata laho mangulahon PatikNa i.

U/H :    Ale Tuhan Debata, sai pargogoi ma hami mangulahon na hombar tu PatikMi, amen.

6.      KOOR:    HKBP Resort  Hapoltahan                    

         KOOR:    Gabungan Ina HKBP Batu Gun-Gun

7.      MARENDE BE. NO. 683: 1-2   “DI ADOPANMU JESUS”

Di adopanMu Jesus lea tutu do diringkon

Dibaen godang ni dosangkon di adopanMu Jesus   ~~~ jongjong ~~~

            Di adopanMu Jesus marsomba au huhut tungki

            Lao manopoti dosangki di adopanMu Jesus

8.         MANOPOTI DOSA

U:        Huria ni Tuhanta, tahalashon do pambahenan dohot pangaramotion ni Tuhanta di hita ganup marsadasada. Alai nang pe songon i, ingkon rajumanta do pardosa hita marhite sude angka pangalaosionta. Ala ni i tapangido ma hasesaan ni dosanta:

(Tingki na hohom)

            ----- Organ mangendehon BE. No. 683 angonangon -----

U  :      Ale Debatanami parasiroha jala na badia, Amanami marhitehite Tuhan Jesus Kristus! Manang piga hali hami ro tu joloM, huhilala hami ringkot do asi ni rohaM di saluhut hami halak pardosa. Ala ni i do umbahen na hupaserep hami dirinami sadari on di joloM, jala huparhatopot hami, tung na jotjot do hami manimbil sian angka dalanMu na badia i. Sai unang pabali hami sian joloM ala ni dosanami i.

H   :      (Mangendehon angonangon  BE. No. 683 : 3  “Di adopanMu Jesus”)

                          Di adopanMu Jesus tarsolsol bagi rohangkon

                         Muba ma au tu jolo on di adopanMu Jesus

U:        Asi ma rohaM di hami, sai patongtong ma di hami roha hamauliateon tu Ho. Pamalum ma saluhut na bernit binahen ni dosanami. Ro ma Ho mangingani hami, asa marlas ni roha hami mangulahon lomo ni rohaM.

H:        Molo hupaingotingot hami pangalahonami nasailaon na i, godang do hahurangan, dosa nang pangalaosionnami maradophon Debata. Jotjot do huarsahi hami dongannami, dongan sajabu, dongan sahuta, dongan saulaon, dongan sahuria, suang songon i angka natoras dohot sisolhot pe. Ale Tuhan, asi ma roham di hami.

U:        Ale Tuhan, asi rohaM, molo sipata gale ruas ni huriaM, sipata lupa manghamauliatehon denggan ni basaM, lupa manangianghon huriaM, lupa manangianghon nang naposoM. Hurang malo ruasMi marparsaoran dohot naposoM, ajari ma jala paingot sude ruas ni huriaM asa sai tongtong manghalashon huhut manangiangkon angka napasoM na pinillitMu pararathon Barita na Uli i.

H   :     (Mangendehon angonangon BE. No. 688 : 1-2 “Tuhan”)

            Tuhan jotjot do marsak donganki, ala na sala pambahenanki

            Hatangku langka nang parulanki, jora ma au.

                   Pangkulingki pe tupa so une, mambaen jut roha ni donganku pe

                   Pingkiran, hata na hurang ture, jora ma au.

U:        Bagabaga ni Debata taringot tu hasesaan ni dosa! “Parasiroha jala pardenggan basa do Jahowa, lambat tarrimas jala parasiroha godang. Ndang dibahen tu hita hombar tu angka hajahatonta. Songon asi ni roha ni amaama mida angka anakna, asi ni roha ni Jahowa di angka na manghabiari Ibana”. Hasangapon ma di Debata na di ginjang!

H   :  Amen!                                                                               ( h u n d u l )

9.      KOOR:     Remaja HKBP Batu Gun-Gun                   

10.  MARENDE BE. NO. 461: 1 “SONGGOP TU HAMI”             BL. 407

Songgop tu hami na di joloMon, o Tondi ni Debatangki

Uhir patikMu tu rohangkinon,O Tondi  ni Debatangki

Bereng siholhu di haroroMi, molo Ho ro, nda hisar tondingki

Didihon ma tu au on apiMi, O Tondi ni Debatangki

11.  E P I S T E L

U:        Epistel di Minggu sadari on tarsurat di  Psalmen 16:1-11

            Sai ramoti ma ahu, ale Debata, ai marhaposan tu Ho do ahu.

H:        *Ningku do mandok Jahowa: ** Ho do Tuhanku, ndang adong hasonanganku * dungkon ni Ho.

U:        Taringot tu nabadia angka na di tano on: Nasida do angka na sangap jala apala * hasudungan ni rohangku situtu.

H:        * Godang do sitaonon ni angka na hapogan ** paimbarhon Debata, ndang olo ahu mangusehon peleannasida sian mudar, jala * subang do rohangku mandok angka goarnasida.

U:        Jahowa do partalianku dohot panginumanki, Ho do pasintong jambarhu.

H:        Jadi tano na lunak do partalianku, tongon tahe, na uli situtu do jambarhu.

U:        Papujipujionku ma Jahowa, * na marrohaihon ahu, dohot do puangku palumba ahu * bornginna i.

H:        Tongtong do hubahen Jahowa tu jolongku, ai molo * di

U:        Ala ni las ma rohangku jala marolopolop * tondingku, ** dagingku pe * sinok do maringanan dibahen.

H:        Ai ndang tagamon * pasombuonmu tondingku di banua toru, ndang tagamon loasonmu hasianmu * marnida habusukon.

U:        Sai pabotohononmu do tu ahu * dalan hangoluan, sun ma las ni roha * di adopan ni bohim, angka hasudungan ni roha masa di siamunmu salelenglelengna I ma sahatna. Martua ma  na tumangihon Hata ni Debata, jala na umpeopsa.

H  :      Amen !

12.   KOOR : HKBP Resort Hapoltahan

13.  MARENDE BE. NO. 128: 4-5  “DITANDA DEBATANTA”            BL.  162

Ditanda do nasida dibaen holong sude Rohana di Ibana nang di donganna pe  Ai i do na mandasdas nasida sai tongtong Asa tung dipatolhas PatikNa i     sintong Asa tung dipatolhas PatikNa i sintong

                                                                                    ~~~ jongjong ~~~

Sai songon i ditanda Tuhanta jolma i   Na mangoloi hataNa  di nasa bangso i Haporseaon i do partinandaan i Padohot pangkirimon nang  haholongon I Padohot pangkirimon nang haholongon i.

14.  MANGHATINDANGHON HAPORSEAON

U:        Tahatindanghon ma haporseaonta i, songon na hinatindanghon ni donganta sahaporseaon di sandok portibi on. Rap ma hita mandok :

U/H:     Ahu Porsea…………..d.u…………Amen.          ( h u n d u l  

15.   T I N G T I N G (WARTA JEMAAT)

16.   MARENDE BE. NO. 187: 1…. “DENGGAN DO PANOGUM”BL.  200

                  (Papungu Pelean Ia + Ib)

       Denggan do panoguM ale Jahowa di angka na pinarmahananMi

       Tagamon baheononMu ma na roa so tarbunihon Ho do burjuMi

       Jotjot suhar do pambahenanMi di roha ni na so tumanda Ho

       Alai marhite sian i do ro tu hatiuron na tinoguMi

~~~~ musik ~~~~

       Tung patik angka na binaen ni jolma mangihuthonon ni TondiM disi

       Ho na tongtong sumurung i marroha sai ingkon pasautonMu tahiMi

       Sai talu do na hum mangalo Ho dipangke pe sude gogona i

       Ai Ho do na so halompoan i na tinahiM sai ingkon jumpang do

~~~~ musik ~~~~

       Dialo Ho sude na jungkat  roha na timbo i dipatutoru Ho

       Alai sude na serep i marroha i do na sai diasiasi Ho

       Parhata na gogo di tano on dihagigihon rohami sude

       Na dangol i ditatap  Ho hape naeng urupanMu angka i tongtong

~~~~ musik ~~~~

       O Tuhan sai pinuji ma goarMu ai dipangolu Ho do hami on

       Tandaonnami ma pambahenanMu dung dipatiur Ho do mata on

       O Debata lomo do rohaMi manogu hami di na rodop on

       Holong  do rohaMi di hami on naeng sahat tu lambungMu baenonMi

17.  JAMITA : Markus 1:21:28   (Pinatolhas ni: Pdt.Frizon Saragih, S.Th.:  MPSD HKBP Distrik VI DAIRI )

18.  MARENDE BE. NO. 707 : 1 “HAGOGON DOHOT APULAPUL”  BL 707

                             (Papungu Pelean II )

1.                  Hagogoon dohot apul-apul  do dilehon Tuhan i tu au,Ganup ari au ditogu-togu ganup tingki diondingi au.

Ai hombar tu lomo ni rohaNa do dilehon Tuhan i tu au

Ro marsorin arsak las ni roha  haporseaon hu di patau.

                  ~~~~ musik ~~~~

2.                  Ganup tingki Tuhan raphon ahu Jala sai dipasu-pasu au.

Sai di togu au molo madabu, Talu musu jala monang au.

                  Ai pargogo nasohatudosan, Debatangku salelengna i

                  Mangalehon dame dohot tua, Tu angka nabojok roha i.

                 ~~~~ musik ~~~~

3.                  Songon Ama do tu anakkonNa Holong ni Tuhanta i tu au.

Ndang mansadi pangurupionNa Hombar tu padanna na tu au.

Debata Amanta na di ginjang i do haposanhu sai tongtong.

Dipangiringiring ni tanganNa, Dame, sonang do Rohangkinon

                 ~~~~ musik ~~~~

III.    ACARA MANGOJAKHON ULUAN NI HURIA ( Ditingki Marende No 727: 1 ro ma Gr Danni Leon Togatorop tu jolo ni langgatan )

Marende No 727 : 1

Songon on didok Tuhanta Jesus : Ahu do na mamillit hamu Asa lao hamu na marparbue jala mian parbuemuna i, Hupadiri asa lao marparbue; jala mian parbuemuna i. Hita na pinillit ni Tuhanta, ingot ma hata ni Tuhan i Parbuehonna nasa na denggan, na hombar tu patik ni Tuhan i, Na tarjou do hita paimbaru diri, dibagasan Kristus Tuhanta i. Tarsolsolli ma nasa dosanta tapauba ma rohanta, tapelehon ma nasa dirinta, baen pelean na mangolu na badia di Tuhanta na hinalomohon ni Debata. Amen.

1.      Pandita Resort:

Hamu angka dongan ruas dohot Parhalado huria ni Tuhanta na di Huria on, di ari on, laos paojakhon do   Uluan ni Hurianta  na imbaru. Mardomu tusi tabege ma jolo Surat Keputusan ni Pimpinan HKBP taringot tu penempatan nasida.

2.       Manjaha Surat Keputusan:

                 (Dijahahon MPSD )

3.      Pandita Resort:

Hamu Gr Danni Leon Togatorop nunga dibege hamu Surat Keputusan ni Pimpinan HKBP taringot tu penempatan muna gabe Uluan Huria  HKBP Batu Gungun Ressort Tigalingga . Antong tabege ma ulaon ni Uluan ni Huria   HKBP hombar tu Aturan dan Peraturan HKBP 2002 dung Amandemen II Bindu 4 Poin 3.2 halaman 34 – :

4.      Ulaon ni Uluan ni Huria

1.         Manguluhon Huria marsadasada sumangkapi dohot pasauthon angka ulaon panghobasion hombar tu si tolu panjouon ni huria

2.         Manguluhon Parhalado na Gok tingki hombar tu parsagi ni ulaonna be.

3.         Manguluhon Rapot ni Huria, Rapot Parhalado, partohonan dohot pamilliton ni angka pengurus ni dewan, seksi dohot Panitia Pembangunan 

4.         Patulushon napinutushon ni Sinode Godang, Sinode Distrik, Rapat Majelis Pekerja Sinode, Rapot Majelis Pekerja Sinode Distrik, Rapot Resort, Rapot Parhalado Resort, Rapot Huria, Rapot Parhalado partohonan

5.         Mangaramoti manogunogu pahinsathon mutu ni panghobasion di parartaon dohot administrasi ni Huria i.

6.         Manjalo  laporan pertanggungjawaban ni ganup dewan

7.         Pasahathon laporan taringot tu pangulaon, statistic dohot keuangan ni huria tu Pandita Resort dohot tu Rapot Huria

5.    Pandita Resort:

Hamu Gr Danni Leon Togatorop nunga dibege hamu Aturan ni Huria taringot tu ulaon ni Uluan ni Huria. Antong na manungkun ma ahu nuaeng  tu hamu, di jolo ni angka dongan na marpungu di son dohot  di jolo ni Tuhan Jesus  Kristus, Raja jala nampuna Huria i : Na olo do hamu paojakhon gabe Uluan ni Huria HKBP Batu Gun-gun Resort Tigalingga on?  Na olo do hamu mamelehon dirimuna mangaradoti angka ulaon i hombar tu na diaturhon di HKBP ? Dok hamu ma alus muna.

6.     Gr Danni Leon Togatorop:

Na olo do ahu, sai didongani Asi Ni Roha ni Debata ma ahu patupahon saluhutna i

7.      Pandita Resort (Huhut Masijalangan):

Marhitehite  Goar Ni Debata Ama, dohot Goar ni AnakNa Tuhan Jesus Kristus dohot Goar ni Tondi Parbadia, atas goar  ni Praeses HKBP Distrik VI Dairi di Minggu II Dung Ephiphanias sadari on tanggal 20 Januari 2019, hu paojak ma hamu, gabe Uluan ni Huria di HKBP Batu Gun-gun on. Didongani jala di pargogoi ma hamu mangulahon ulaon i, bahen sangap di goarNa. Didongani jala di pargogoi Tuhanta ma nang Inanta soripada mangurupi hamu (laos dijalang) Amen!

8.      Pasahathon Tu Huria (Gr  mangadophon Huria)

Pandita Resort:

Hamu angka dongan Ruas dohot Parhalado Huria ni Tuhanta na di  Huria on, nunga hupaojak hami Guru Huria  na manguluhon Huria on, hupasahat hami ma nasida tu Huria on, jangkon hamu ma nasida di bagasan tangiang huhut urupi hamu asa manjadi ulaon nasida jala marlas ni roha nasida di Huria on.

Huria:

Di bagasan roha mauliate tu Debata Ama dohot Tuhan Jesus Kristus Raja ni Huria i dohot Tondi Parbadia hujangkon hami ma hamu Amanami  Gr Danni Leon Togatorop  manguluhon Huria on, sai di pargogoi jala diurupi Tuhanta ma hamu gabe pasupasu tu hurianta.

9.      Pandita Resort:

Martangiang ma hita: Ale Tuhan Debata Amanami marhitehite Tuhan Jesus Kristus Raja jala nampuna huria i. Mauliate rohanami tu Ho jala pujionnami do goarMu, ai ndang dipaloas Ho huriaMi so marparmahan. Alai dipabangkit Ho do naposoM Gr Danni Leon Togatorop gabe Uluan ni Huria di HKBP Batu Gungun on. Asi ma rohaM lehon ma TondiM na badia i margogoihon nasida, parsahalai, parbisuhi ma nasida, asa polin dibaritahon nasida hataMi. Lehon hahipason, hatoguon dohot hiras ni roha mangaradoti sude ulaon di Huria on. Tumpahi ma saluhut na ni ula nasida., jala sai patubuma hataM na binaritahon nasida asa marparbue di ngolunami, paboa siseanMu hami. Hupangido hami tu Ho tangiang namion marhitehite Goar ni  AnakMu Tuhan Jesus Kristus Tuhannami, Amen.

IV.    MANDOK HATA

1.      Hata patujolo sian Gr Danni Leon Togatorop

2.      Hata Panjanghonon:

a.  Mewakili Ruas  HKBP Batu Gungun                                   :                                       

b. Mewakili Parhalado/ Parhalado Resort                      :  

c. Mewakili Ruas/Parhalado HKBP Resort Hapoltahan   :                                

c.  Pasahathon Ulos Panjanghonon                               :

d. Mewakili MPS/MPSD Distrik  VI Dairi                     :

e.  Hata bimbingan sian Mewakili Praeses                    :

18. MARENDE NO : No 651” 1 Huria na Huhalolongi Hami ( Jongjong Huria )

1.                  Huria na huhaholongi hami

            na pinajongjong ni Tuhanta i.

            Tung na so lupa sian rohanami Huria I

            Dohot ruasna I, dinasa hasusaan

            Tongtong do I manahan.

            Manggogo pe angka galumbang I,

            Tuhanta do pademakhon I,

            Martua do na not di Tuhan i.

19, Tangiang Pelean+ Pasu Pasu,

20. Amen Amen

V. ACARA RAMAH TAMAH