ACARA MANGOJAKHON PANDITA FUNGSIONAL

I.    ACARA MANGOJAKHON PANDITA FUNGSIONAL

( Ditingki Marende No 729: 1 ro ma Pdt Netty Sirait STh tu Jolo ni Langgatan )

Marende No 729 : 1

1.                  Laho ma hamu tu liat portibion Ninna Jesus Kristus Tuhan i

Ninna Jesus Kristus Tuhan i Asa marlas ni roha ma langit

nang dohot hajang hajang i marolop olop angka ladang i

ro dihau na diharangan i.

Baritahon ma Barita na uli i Tu saluhut na tinompa i

tu saluhut na tinompa i.  Martopaptopap sunge i

Marhasakhasak tao nang laut i Marolop olop ma portibion nang

Sudena pangisina i. Amen.

1.      PRAESES:

Hamu angka dongan ruas dohot Parhalado huria ni Tuhanta na di Huria on, di ari on, laos paojakhon do   Pandita Fungsionalta  na imbaru. Mardomu tusi tabege ma jolo Surat Keputusan ni Pimpinan HKBP taringot tu penempatan nasida.

2.       Manjaha Surat Keputusan:

                 (Jinahahon ni: Pandita Resort )

3.      PRAESES:

Hamu Pdt Netty Sirait STh nunga dibege hamu Surat Keputusan ni Pimpinan HKBP taringot tu penempatan muna gabe Pandita Fungsional  HKBP Sidikalang II Ressort Sidikalang II .

4.    Praeses:

Hamu Pdt Netty Sirait STh. Antong na manungkun ma ahu nuaeng  tu hamu, di jolo ni angka dongan na marpungu di son dohot  di jolo ni Tuhan Jesus  Kristus, Raja jala nampuna Huria i : Na olo do hamu paojakhon gabe Pandita Fungsional di Huria HKBP Sidikalang II Resort Sidikalang II on?  Na olo do hamu mamelehon dirimuna mangaradoti angka ulaon i hombar tu na diaturhon di HKBP ? Dok hamu ma alus muna.

5.    : Pdt Netty Sirait STh

Na olo do ahu, sai didongani Asi Ni Roha ni Debata ma ahu patupahon saluhutna i

6.      PRAESES  (Huhut Masijalangan):

Marhitehite  Goar Ni Debata Ama, dohot Goar ni AnakNa Tuhan Jesus Kristus dohot Goar ni Tondi Parbadia, ahu Praeses HKBP Distrik VI Dairi di Minggu 01 September 2019 on, hu paojak ma hamu, gabe Pandita Fungsiona di HKBP Sidikalang II Resort Sidikalang II. Didongani jala di pargogoi ma hamu mangulahon ulaon i, bahen sangap di goarNa. Amen! (

7.      Pasahathon Tu Huria (Pdt Netty Sirait STh /Kel mangadophon Huria)

Praeses:

Hamu angka dongan Ruas dohot Parhalado Huria ni Tuhanta na di  Huria on, nunga hupaojak hami Uluan ni Huria  na manguluhon Huria on, hupasahat hami ma nasida tu Huria on, jangkon hamu ma nasida di bagasan tangiang huhut urupi hamu asa manjadi ulaon nasida jala marlas ni roha nasida di Huria on.

Huria:

Di bagasan roha mauliate tu Debata Ama dohot Tuhan Jesus Kristus Raja ni Huria i dohot Tondi Parbadia hujangkon hami ma hamu Inananami   Pdt Netty Sirait STh marhobas di Huria on, sai di pargogoi jala diurupi Tuhanta ma hamu gabe pasupasu tu hurianta.

8.      Praeses:

Martangiang ma hita: Ale Tuhan Debata Amanami marhitehite Tuhan Jesus Kristus Raja jala nampuna huria i. Mauliate rohanami tu Ho jala pujionnami do goarMu, ai ndang dipaloas Ho huriaMi so marparmahan. Alai dipabangkit Ho do naposoM Pdt Netty Sirait STh gabe Pandita di HuriaMon. Asi ma rohaM lehon ma TondiM na badia i margogoihon nasida, parsahalai, parbisuhi ma nasida, asa polin dibaritahon nasida hataMi. Lehon hahipason, hatoguon dohot hiras ni roha mangaradoti sude ulaon di Huria on. Tumpahi ma saluhut na ni ula nasida., jala sai patubuma hataM na binaritahon nasida asa marparbue di ngolunami, paboa siseanMu hami. Hupangido hami tu Ho tangiang namion marhitehite Goar ni  AnakMu Tuhan Jesus Kristus Tuhannami, Amen.

II.    MANDOK HATA

1.      Hata patujolo sian Pdt Netty Sirait STh

2.      Hata Panjanghonon:

a.  Mewakili Ruas  HKBP Sidikalang II                                    :                                      

b. Mewakili Parhalado/ Bestur Resort  Sidikalang II                 :  

c. Mewakili Ruas/Parhalado HKBP Resort Sidikalang II     :                                         

d.  Hata bimbingan sian Praeses 

                                         :

9.     MARENDE NO : No 651” 1 Huria na Huhalolongi Hami ( Jongjong Huria )

1.                  Huria na huhaholongi hami

            na pinajongjong ni Tuhanta i.

            Tung na so lupa sian rohanami Huria i

            Dohot ruasna i, dinasa hasusaan

            Tongtong do i manahan.

            Manggogo pe angka galumbang i,

            Tuhanta do pademakhon i,

            Martua do na hot di Tuhan i.

10. Tangiang Pelean+ Pasu Pasu,

11. Amen Amen