PELANTIKAN PANITIA PESTA PUNCAK TAON PARASINIROHAON HKBP DISTRIK VI DAIRI 2019

Jou-jou marsomba tu Debata:  U: Uluan; H: Huria

U:        Hamu angka nahinaholongan dibagasan Jesus Kristus, Horas-Selamat Ari    Minggu ma di hita saluhutna!

H:        H o r a s  ! Selamat Ari Minggu!

U:        Tama ma antong tapuji Tuhanta parasiroha i; ai tung sumurung do denggan ni basaNa tu hita. Diramoti jala di pargogoi do hita mangalangka, dohot mangulahon nasa siulaonta suang songoni nang di tongatonga ni hurianta HKBP Distrik VI Dairi on. Taon on ima Taon Orientasi Parasinirohaon HKBP, ala ni i na dohot do hurianta mangolophon i marhite na pabanghithon Parhobas di Ulaon Parasinirohaoni  ima na  pinamasa tongon di ari minggu on. Tahamauliatehon ma di Tuhan naung mandongani jala mampargogoi sude Ruas ni HuriaNa  asa marlas ni roha laho marhobas di huriaNai. Jala mardalan di Dalan ni Jahowa Pinuji ma Ibana! Marende ma hita !

2. Marende sian B.E No.581 : 1 + 3       “Sangap di Jahowa ”  BL 581

1.                  Sangap di jahowa na sun timbul i,

Balga ni holongNa ndang tarasam i,

Di lehon AnaklNa na sasada i,

manobus hita jolma pardosa i

Puji ma Debata ale manisia,

Las roham las roham somba ma Debata

Dapothon Jahowa na sun timbul i,

Marhite AnakNa Tuhan Jesus i

            ….Jolo Musik…. Dung i Jongjong……

2.                  Balga situtu pambaenMi Debata.

Tung so hasuhatan holong ni rohaM.

Tu jolma pardosa asi do rohaM,

Di ungkap Ho dalan lao tu banuaM.

Puji ma Debata ………

3.Votum - Introitus (Responsoria)      

U:        Marhitehite Goar ni Debata Ama dohot Goar ni AnakNa, Tuhan Jesus Kristus dohot Goar ni Tondi Parbadia, na tumompa langit dohot tano on.

H       :  A  m  e  n  !

U:        Ise do na jadi nangkok tu dolok ni Jahowa, jala ise do na jadi jongjong di hajongjongan ni habadiaonNa i? Halak Partangan na lidang dohot na ias roha. Haleluya!

H       : (mangendehon) Haleluya – Haleluya – Haleluya !

U:         Ale Tuhan, Debata, Pargogo na so hatudosan, Amanami saleleng ni lelengna! Asi ni rohaM do na mangaramoti hami sian nasailaon rasirasa nuaeng, jala asi ni rohaM do na mangalehon Barita na Uli i, gabe hangoluannami. Sai asi ma rohaM, sai buhai ma rohanami jala lehon TondiM na badia i, asa huantusi hami sude panogunoguM dohot pambahenanMu na balga i. Paian ma HataM dibagasan rohanami, asa mardame jala sonang hami jala imbaru rohanami marhitehite AnakMu, Tuhan Jesus Kristus Tuhannami.  Amen.                                        ---------- H u n d u l -------

4. Marende sian B.E No. 202: 2 “Huhahalongi ho gogongku”       BL. 102

Huhaholongi ho ngolungku Ai Ho do alealengki

 Sai naeng tongtong Ho pujionku Saleleng au sinondangMi

 Holong mamolin rohangki Di Ho o Jesuski.

5. Patik :

U:         Patik ni Debata di minggunta sadarion i ma Patik V Dohot Lapatanna

Ingkon pasangaponmu do natorasmu, asa martua ho jala leleng mangolu di tano na nilehon ni Jahowa Debatam di ho! Dia do lapatan ni i ?

H:        On do;  Ingkon dihabiari rohanta Debata jala ingkon holong rohanta di Ibana, asa unang lea rohanta mida natorasta dohot mida angka rajanta ro di angka natuatua. Ndang jadi paroonta rimas nasida, ingkon pantun do hita jala ingkon holong rohanta tu nasida, sioloan do nasida jala sisubuton do rohana!

 U:      Antong rap mangido gogo ma hita tu adopan ni Debata !

U+H:   Ale Tuhan Debata! Sai pargogoi ma hami mangulahon na hombar tu PatikMi. Amen!

6. Koor: INA DEBORA & NHKBP

7. Marende sian B.E No. 118 : 2    “Paian Ma di Hami”                    BL. 6

Ø   Paian Tuhannami HataM di hami be. Asa martua hami nuaeng nang sogot pe.

8. Marningot Denggan Basa Ni Debata

 U:       Puji ma Debata na manompa saluhutna, puji ma Ibana na mangaramoti ngolunta. Puji ma Ibana, ai ro di saleleng ni lelengna do asi ni rohaNa.

 H:       Tung na balga do asi ni rohaM Tuhan, alanii pujionnami ma Ho di tongatonga ni ngolunami.

 U:       Hamu angka dongan, tadok ma mauliate ala tongtong do di ramoti Tuhan i hita ganup marsadasada,

H:        Tung na balga do asi ni rohaMi Tuhan, alanii pujionnami ma Ho di tongatonga ni ngolunami.

 U:       Di lehon Ibana do di hita angka na ringkot i di ngolunta, ganup ari ganup tingki. Di lehon do di hita gogo, pos ni roha dohot panghirimon laho mangalului ngolungolu.

 H:       Tung na balga do asi ni rohaMi Tuhan, alanii pujionnami ma Ho di tongatonga ni ngolunami.

 U:       Tutu, ragam do angka na masa na boi mambaen hita mabiar mandalani ngolu  di taon naung tabolus i. Ragam do nang angka na masa na boi mambaen hita marungkil di tongatonga ni parngoluon i. Alai, saluhutna do manumpak tu na denggan di angka na marholong ni roha di Debata.

 H:       Tung na balga do asi ni rohaMi Tuhan, alani I mardalan ma hami di Dalan ni Jahowa

 U:        Sada taon Dilehon dihita ima taon Ulaon Parasinirohaon, dipargogoi Tuhani ma hita mangaulahon ulaon parasinirohaoni

 H:       Ale Tuhan, sai asi ma roham di hami, sai gabe parasi roha ma hami Songon Ho Ale Debata Parasirohai

 U:       Ndang taboto angka na masa na naeng siadopanta. Ndang adong na hot ianggo na di tano on, tung saluhutna do mubauba. Alai dohononta ma:

U+H:   Sai na donganan ni Debata do hita ganup ari, rasi rasa ro ajal ni hasiangan on. Jala sai tongtong hami mardalan di dalanMu Ale Jahowa

9. Marende B.E No. 683: 1    “Diadopanmu Jesus ”  (Laos Jongjong)

      ^♫♪♫ Di adopanMu Jesus lea tutu do diringkon,

Dibaen godang ni dosangkon di adopanMu Jesus.                    

10. Manopoti Dosa dohot Bagabaga Hasesaan Ni Dosa 

     U = Tatopoti ma dosanta tu Debata martangiang ma hita: Ale Tuhan Debata, Ama ni Tuhannami Jesus Kristus, Ho do Debata pargogo na so hatudosan, sitompa nasa na adong, paruhum na tigor, na manguhumi jolma manisia. Na ro do hami tu joloM manopoti dosanami, angka na huula hami marhite siaan pangalasionnami di patikMu, i ma marhite sian tubutubu ni rohanami na roa i, nang sian panghataionnami na so ture, ro di pangoloionnami di hisaphisap ni rohanami. Na tama situtu do hona uhum hami ala ni dosanami i, alai tarsolsolbagi do hami nuaeng ala ni i. Asi roham di hami ale Debatanami.         

 H:       Mangendehon  BE. No. 772 : 1  Tuhanku do pature dalanki,

Tuhanku do patiur langkangki,

Sian nasa rohangki hupasahat ngolungki,

Tuhanku do patiur langkangki.

U :       Pardengganbasa jala parasi roha do Ho ala ni Anak haholongan ni rohaM, Tuhan Jesus Kristus Tuhannami. Sai sesa ma dosanami saluhutna, jala suru ma Tondi Parbadia tu rohanami be, asa tarbahen hami mangoloi Ho dibagasan hatigoran dohot habadiaon, gabe sahat hami tu hangoluan na so ra suda, na pinarbagabagaM di angka na porsea di AnakMu, Tuhan Jesus Kristus, Tuhannami. Amen

     H = Mengendehon BE No.772: 3  “Tuhanku do pature dalanki”    BL.772   ^♫♪♫ Tuhanku do pature dalanki,

Tuhanku do patiur langkangki,

Hupasahat diringki tu tangan ni Tuhanki,

Tuhanku do patiur langkangki.

U = Hata baga-baga taringot tu hasesaan ni dosa: Songon on do Hata ni Tuhan Jesus: Ahu do dalan i dohot hasintongan dohot hangoluan. Ndang adong na sahat tu Ama i, ia so marhite sian Ahu. Hasangapon ma di Debata na di ginjang.

R = Amen!                                                                                     Hundul

11. Koor: LANSIA & LUNGGU, I

12. Marende sian BE. 384 : 1    “Roma hamu sude na”               BL. 398

      ^♫♪♫ Ro ma hamu rade do sasude !”

  Di jou hon Tuhan i tu hita be; Ro ho,

  Ho ro, ru ma inga nan mi

       Rade sude tu pardengganan I,

      Sai ro ma ho, di ho basaNa i. Ro ho………………

13. Epistel:

U:         Hata ni Debata na gabe turpuk Epistel di minggunta sadari on  tarsurat di Mateus 21:28-32 tajaha ma marsingkat soring:  Alai beha do di rohamuna? Adong ma dua anak di na sahalak; jadi ditopot ma sihahaan, didok ma tu ibana: Laho ma ho, anaha, sadari on mangula tu porlakta!

H:         Alai ro ma alusna: Ndang olo ahu! Hape disolsoli do rohana muse, gabe saut ma ibana laho.

U:         Ia amaama i ditopot ma sianggian i, laos songon i do hatana, gabe didok i ma mangalusi: Olo, tuan! Hape, ndang saut laho.

H:        Ise sian nasida na dua i mangulahon pinangido ni amanasida? Jadi didok nasida ma tu Ibana: Sihahaan i do! Dung i didok Jesus ma tu nasida: Situtu do na hudok on tu hamu: Tagonan do halak sijalobeo dohot boru na jahat bongot tu harajaon ni Debata, unang hamu!

U:         Ai na ro do si Johannes tu hamu di dalan hatigoran, ndang dihaporseai hamu ibana; alai anggo angka sijalobeo dohot angka boru na jahat porsea do. Diida hamu do i nian; laos tong so disolsoli hamu rohamuna, laho mangkaporseai ibana.Ido sahatna. Martua do angka natumangihon hata ni Debata jala na umpeopsa.

H :      Amen

14.Koor : AMA & INA PARARI SELASA

15. Marende BE. No. 714 :1 “Tuhan na marmahan hami” BL 714       

Tuhan na marmahan hami togi hami ruasMon,

Lehon dameMi di hami angka na hinophopMon.

Tuhan Jesus Sipalua, parmahani ruasMon,

Tuhan Jesus, Siparmahan, parmahani ruasMon.

                             Jongjong

Tuhan Parmahan haposan dongan na sumurung I,

Sai padao pangunjunan togu ma na lilu I,

Tuhan Jesus Sipalua pasupasu ruasMi,

Tuhan Jesus Siparmahan pasupasu ruasMi.

16. Manghatindanghon Haporseaon

U = Tahatindanghon ma haporseaonta i songon na hinatindanghon ni donganta sahaporseaon di sandok portibi on, rap ma hita mandok:

S =  Ahu porsea…du……         Amen.                                      Hundul

17. Tingting – Tangiang pangondianon

18. Marende BE. No. 504 : 1- “di Togu Tuhan Jesus Au”  (P. Pelean Ia,Ib)

Ditogu Tuhan Jesus au, i do na mangapuli au.

Diganup dalan nang tung maol,tanganna do tongtong huhaol,

Ditogu togu Jesus au, tanganna sai maniop au,

Tongtong ma siseanna au, paima boi tu surgo lao.

Holom pe angka dalan i, dilinggom hamatean i,

Tiur pe angka ari i, tung guru do di Tuhanki,

Ditogutogu…

                        ….Musik…

Gomos ditiop tanganki, sotung na silap langkangki.

Di nasa parsorionki, Ibana haporusanki.

Ditogutogu…

Ditanda angka dalanki, diboto parmaraan nii,

Tanganna i, na gogo i, manogu au tu surgo.

Ditogutogu…

19. Jamita : Psalmen 25:8-15   ( Pdt Robert Julius Sitorus, STh )

20. Marende BE. No. 719 : 1---“Hubege Jesus Manjou    ( Pelean II )

Hubege soaraM, O Jesus hubege soaraM O Jesus

Hubege soaraM O Jesus na manjouhon “ihuthon ma au”

Togu au Jesus Tuhanku iringiring ma langkangku

Patuduhon ma dalanMu asa unang unang lilu au.

Hupasahat ma diringku, hupasahat ma diringku,

Hupasahat ma diringku mangihuthon Jesus Tuhanki.

Togu au ………

            ……Musik…

Pargogoi ma au Tuhanku, pargogoi ma au Tuhanku,

Pargogoi ma au Tuhanku lao mamorsan silang na tu au.

Togu au ………

21. PELANTIKAN PANITIA ULAON PARASINIROHAON DISTRIK

1.Marende : No 720 : 1 Naeng Marsinondang Ngolungku  BL 720

Naeng marsinondang ngolungku di igil Jesus i,

Manang didia pe ahu tongtong huingot i.

Tiur marsinondang ido ni igil ni Jesus tongtong

Marsinondang panondang do au tutu.

       2.      Praeses:

Hamu angka dongan ruas dohot Parhalado huria ni Tuhanta , di ari on,Pabangkitonta ma Panita Pesta Puncak Ulaon Parasinirohaon HKBP Distrik VI Dairi 2019 Mardomu tusi tabege ma jolo Surat Keputusan ni Pimpinan HKBP Distrik VI Dairi Taringot tu nasida.

3.Manjaha Surat Keputusan Praeses ( Ditingki dijaha surat Keputusan dohot lampiranna ro ma sude angka naginoaran ondeng tu langgatan)

(Jinahahon ni Sekretaris Distrik : Pdt Maxdondo Debata Raja STh)

 PRAESES    ( Huhut Dijalang ) Huria ni Tuhanta ruas nang parhalado ni Hurianta Sa Distrik VI Dairion nuaeng jongjong do dison angka donganta naung itapillit  laho manghobasi angka ulaon na ringkot di tongatonga ni Distrik on. Sadarion  Pabangkiton ta ma nasida manghobasi Pesta Puncak Ulaon parasinirohaon HKBP Distrik VI Dairi 2019, Didongani, diurupi jala dipargogoi Tuhan Jesus Kristus Ulu ni Huriai ma hamu laho patupahon angka ulaon naung pinasahat tu hamu, marsangap ma Tuhanta jala las roha ni huriaNa marhite angka panghobasionmuna, Amen

4.Sude na hona lantik:

Na olo do ahu, sai didongani jala dipargogoi Tuhan i ma ahu patupahon saluhutnai  Amen

5.Praeses : Martangiang ma hita : Ale Debata Amanami, mauliate ma rohanaMi ala naung dipabangkit Ho do angka naposoM na olo mangula ditonga tonga ni Distrik on, asi ma rohaM Lehon ma tondi parbadia mangurupi, margogoihon, mamparbisuhi dohot mamparsahalai nasida dohot mangalehon roha na pantas mangaradoti sude ulaon naung pinasahat tu nasida. Hupasahat hami tangiang nami on marhite Goar ni AnakMu Tuhan Jesus Kristus Sihophop jala sipalua hami Amen

 ( Jongjong ma sude Panitia na hona lantik mangadop tu Huria dipasahat ma SK Laos di jalang ) Dungi mulak ma sude panitia tu hundulanna be)

6.Marende No 127 : 6    Lam Gogo    ( Jongjong ma Huria )

Pangke ma pangke ma, pangke ma gogom sude, patandahon haholongon ni roham di Jesus i, namangoli ho o sion mangoloi sude patikNai, pangke ma gogomi

  22. PARSURUON

      U  :  Dung i hubege soara ni Tuhan i na mandok: “ Ise do suruhononKu, jala ise  pardalannami?

H  : Dison do ahu Tuhan, suru ma ahu.

U  :  Laho ma hamu tu liat portibi on: Jamitahon hamu ma Barita na Uli I tu nasa na tinompa.

H :  Ale Tuhan sai Ajari ma hami Gabe Parasi ni roha songon Ho naung marasiniroha tu hami

U  :  Gabe parasiroha ma hamu, songon Amamuna, Parasiroha i!

 Nunga di asi i Debata hita, antong marsiadu ma hita patupahon Ulaon Parasinirohaoni

H  :  Mangendehon  BE.No.730: 4                       Sai patau ma au Tuhan.

1.                  Sai patau ma diringku ale Tuhan, Papatarhon hinauliMi Tuhan,

Suru ma TondiMi saor tu rohangki, Baen ias hata dohot parangengki.

 23. Tangiang Pelean-Ale Amanami-Pasupasu- Amen-Amen-Amen

24. Amen-Amen-Amen

Selamat dan Sukses

Panitia Pesta Puncak Ulaon Parasinirohaon

    HKBP DISTRIK VI DAIRI 2019

SELAMAT BEKERJA, SUKSES,  TUHAN MEMBERKATI

bidangmarturiahkbpdistrikvidairi.blogspot.com

PELETAKAN BATU PERTAMA RUMAH DINAS PRAESES HKBP DISTRIK VI DAIRI

I.                   PANGARADEON

(Sude ma ruas niuluhon ni amanta Praeses marhaliang di inganan na tinontuhon laho patupahon “Peletakan batu Pertama”. Angka utusan sian Parhalado, ruas, undangan, dohot kategorial, jojor ma nasida hombar tu na tinontuhon di tingki Acara Peletatakan)

II.                IBADAH

01 Marende No 10 :1 + 4       “Hupuji Hupasangap Ho”

     Hupuji, hupasangap Ho, Amang pardenggan basa.

     Ai jadijadianMu do sude, angka na masa.

     Ditompa Ho do sasude, dagingku ro di tondi pe,

     pinuji ma goarMu.

     Tongtong pasangaponku Ho saleleng au mangolu ;

     Paratarataonku do barita ni goarMu.

     Pamatang dohot tondingki  ingkon mamuji sangapMi.

     Pinuji ma goarMu.

P:   Hita saluhutna  na marpungu di bagasan Kristus Jesus, andorang ta patupa na mameakkon batu ojahan pembangunan bagas Distrik om, saluhutna ma hita mangido asi ni roha ni Tuhan i, asa Ibana na patauhon, dohot na mamasumasu hita saluhut ruas ni huria, laho patulushon ulaon pembangunan bagas Distrik on.

H : Ale Tuhan jongjong do hami nuaeng di inganan on, marsada ni roha mangido: Asi ma rohaM di hami, jala pasu-pasu ma hami asa tau hami paulihon bagasMu di inganan on.

P : O Debata, parasiroha na sumurung! Tagihon ma pangidoan ruas ni huriaMi, jala tatap ma sada ni roha ni ruasMi, laho pajongjong Bagas Distrik on siinganan ni Uluan nami di Distrik on. Borhat ma hami saluhut ruas ni huria on dibagasan panghirimon, haporseaon, dohot holong ni roha manghobasi pembangunan on marhite na mameakkon batu ojahan pembangunan sadarion. Lomo ma rohaM disada ni roha ni ruas ni huriaM on.

H: Ale Tuhan jongjong do hami nuaeng di inganan on, marsada ni roha mangido: Asi ma rohaM di hami, jala pasu-pasu ma hami asa tau hami paulihon bagasMu di inganan on.

P : Antong tapuji ma Tuhanta, Ai pardenggabasa do Jahowa, jala rodi salelengni lelengna do asi ni rohaNa.

H : (mangendehon BE No. 121 “Jesus Raja ni Huria”)
               Jesus, Raja ni huria na porsea, na badia Pasupasu ma au on
                Sai sungguli ma rohangku Mangihuthon Ho, Rajangku
               Pargogoi ma au tongtong Pargogoi ma au tongtong  ( Jongjong)

2. Votum/

P:         Marhitehite Goar ni Debata Ama, anakNa Tuhan Jesus Kristus, dohot Tondi Parbadia na tumompa langit dohot tano on. Amen. O Debata Jahowa Amanami, Ho do partanobaton dohot mual ni saluhut hagogoon. Lomo ma rohaM di hami, jala pasu-pasu ma inganan on, asa batu na hupeakkon hami bahen ojahan pembangunan bagas Distrik di inganan on, togu jala hot, songon batu mamak hajongjongan ni bagas on. Paias ma inganan on sian angka tondi hajahaton, panggunturi, parsalisian, late ni roha, dohot pangiburuon. Suanhon ma diinganan on hadameon, holong ni roha, dohot parbueni Tondi, asa sian na mamulai sahat tu na mangujungi pembangunan bagas distrik on  di inganan marolopolop jala marlas ni roha ruas ni huriaMi. Pasu-pasu ma nang angka pande (tukang), na mamandei bagas  on, lehononMu hahipason, gogo, rukun dohot kerjasama, asa saluhut ulaon nasida denggan jala uli dibagasan dame.

H :       Ale Tuhan, tangihon ma tangiang pangidoannami on.

P :        Debata Jahowa Amanami, na sun marhabadiaon, ditanganMu do haluaon dohot hangoluan ni huria on. Ho do Parmahan na denggan roha na patongon hami tu jampalan angka na lomak, jala na manogunogu hami tu aek hasonangan. Holan tu Ho do hami marhaporusan jala manghirim. Usehon ma pasu-pasuM tu saluhut ruas ni huriaMi, naung pasahathon silehonlehonna tu ulaon pembangunan bagas  on. Parbue ni haporseaon ma i, asa dibagasan haserepon saluhut ruasMu marsiadu mangulahon angka na denggan.

H :       Ale Tuhan, tangihon ma tangiang pangidoannami on.

P :        Ho do Raja ni huria jala nampuna Huria i, ala ni molo humulai hami nuaeng mameakkon batu ojahan Pembagunan bagas Distrik on, holan Ho do na hupangasahon hami. Ndang tuk gogo dohot na adong di hami pajongjonghon bagas ni NaposoMon, alai mangasahon haporseaon dibagasan Kristus, patauonMu do hami saluhut ruas ni huria HKBP Distrik VI Dairi on laho patulushon i.

H :       Ale Tuhan, tangihon ma tangiang pangidoannami on. Asi ma rohaM di hami…

P :        Anggiat ma bangunan bagas Distrik na pinajongjong di atas ni batu ojahan na pineakhon sadarion, hot dihansinghansing na, togu dirancang-rancangna. Ia ro pe udan potir, mangalantap pe tangkuju, jala pur pe habahaba manondong bagas on, ndang na marumpak, ai batu mamak do ojahanNa. Amen.   ( Hundul )

3. Marende BE No. 467:1 “Asi ni roham hupuji”
          Asi ni rohaM hupu ji ala Ho manobus au. Di paIas Ho rohangku, ga-be           soranganMu Au. IngananMu rohanami. TondiMi manggohi i. Pangke dohot ngolunami gabe ulaulaMi.

4. Tangiang Pangondianon :

5. Marende BE. No. 650:1 “Dipasada Holongnai”
                 Dipasada holongNa i, saluhutna porsea i,

Na tarjou tu sada panghirimon i, songon daging ni Kristus i.

6. Jamita :

7. Marende Huria BE No. 569 : 1-2 “O Debata tung longang do rohangku (P. Pel )         

Ø  O Debata tung longang do rohangku, molo hubereng na tinompaMi. Saluhut bintang, hilap dohot ronggur manghatindanghon hasangapoonMi. (Reff) Marende au Tuhan mamuji Ho, o Debata sangap do Ho. Marende au Tuhan mamuji Ho, o Debata sangap do Ho.

Ø  Di ladang di adaran dohot tombak,Marende pidong tung mansai sonangPunsu ni dolok, sunge dohot rura,Mamaritahon sangapMi Tuhan.

Marende au ………

8. Tangiang Pelean Ale Amanami , Pasu Pasu , Amen Amen, Amen

IV. PELETAKAN BATU PERTAMA

01.  Marende Huria BE No. 425 : 1                  “Batu mamak di au on”

v  Batu mamak di au on,  hupasahat tondingkon , tu aek dohot mudarMi na ro sian lambungMi, sipalua au do i, sian pardosaon hi

02. Prosesi Peletakan Batu Pertama
Acara Peletakan Batu Pertama, oleh:
 Praeses :
 Panitia  :
 Bupati :

Undangan :
 MPS :
 MPSD :
 KABID  :
 Mewakili Pangula Na Gok Tingki :
 Mewakili Unit Unit Pelayanan :
 Mewakili Sintua :
 Mewakili Ruas :

IV. KATA SAMBUTAN

1. Panitia

2. Praeses

3. Bupati

4. Undangan

5. Pangula na Gok Tingki

VI. HIBURAN/PENGGALANGAN DANA,   ( Diatur Tersendiri )

ACARA PABORHATHON DIAKONES MAGDA ROSA MANURUNG

I.               PARHOBASON:

       a. PangaradeonParhalado rap dibilut Parhobasan

       b. Parhalado  marhobas jala martangiang borhat-borhat tu parmingguon

II.        ACARA PARMINGGUON:

                             U = Uluan                                               R = Ruas                        

-----Musik angonangon patubegehon BE. 640:1:  Haholongan sian ginjang.   BL  640--

1.   JOUJOU TU PARMINGGUON

U:     Selamat ari Minggu ma di hamu !

             R:     Selamat ari Minggu.

              U:    Huria ni Tuhanta, nuaeng tahalashon do parsaoranta dibagasan sadari on, ima Minggu XIII Dung Trinitatis jala sadari on  di bagasan Tema: Naposo ni Debata do panggomgomi namarsaha. Huria ni Tuhanta, di suru Debata do hita asa unduk tu panggomgomi namarsahala , marhite na unduk jala  dibagasan haserepon laho pasahathon mangolo angka uluan namarsahala, jala dibagasan sadarion laos paborhatonta ma Uluan ni Hurianta ( Diakones ) naung manghobasi Hurianta na salelengon tu inganan panghobasion naimbaru, tahamauliateon ma panghobasion nasida na salelengon di hurianta, jala lam margogo ma nasida dipanghobasion na imbaru, Asa pasupasuonMu ma ulaon nasida bahen hasanganpon dohot hamuliaon di GoarMu

        R:     Mangendehon BE.No. 463: 1 Pasu pasu tongoson Mu

1.       Buat ma angka pangambat, unang songsong dalan i.

Mual ni aek hangoluan ringkot do di rohangki.

HagogoonMu………………………..

            R:  Dison do  hami  Tuhan rade  mamuji dohot tumangihon Ho.

            U:  Taparade ma rohanta laho mamuji Debata di siala denggan ni basaNa. Marende ma hita:

2.    MARENDE SIAN BE.No.10:1-2            Hupuji jolong Ni Rohamu

1.       Hupuji, hupasangap Ho, Amang pardenggan basa.

Ai jadijadianMu do sude, angka na masa.

          Ditompa Ho do sasude, dagingku ro di tondi pe,

          pinuji ma goarMu

----- Musik ----    (Jongjong di tingki mangendehon ayat 2 )

2.       Saluhut na tinompaMi naeng sonang di rohaMu ;

     Arian dohot borngin pe disarihon rohaMu

     Nang uhum di gomgomanMi, na tigor, na sintong do i,

            pinuji ma goarMu.

3.  VOTUM – INTROITUS

U   :     Marhitehite Goar ni Debata Ama dohot Goar ni AnakNa, Tuhan Jesus Kristus dohot Goar ni Tondi Parbadia, na tumompa langit dohot tano on. Amen. Songon on ninna Tuhan Jahowa: Ianggo halak partigor i mangolu do binahen ni parsihohotna marhaporseaon; alai anggo di halak parjahat ndang adong hasonangan. Haleluya.

R  :    Mangendehon:  Haleluya, haleluya, haleluya.

U   :     Martangiang ma hita:  Ale Tuhan Debata jala Amanami! Sai urupi ma hami, asa unang mandele hami, uju ro hapogoson tu hami, jala unang magopo hubahen hami silehonlehonMu na denggan i, uju ro pasupasuM tu hami. Ramoti hami, asa unang marpos ni roha hami tu arta na di hasiangan on. Lehon di hami haporseaon asa dohot hami parjambar di siteanon ni angka na porsea di Ho marhitehite Tuhan Jesus Kristus, Tuhannami. Amen.                                                                                                   (Hundul)

3.      MARENDE BE No..716: 2 Dinamamolus sandok ngoluon    BL.716

                 1. Sai baritahon Jesus na burju, tuk manesa dosa I,

Asa porsea di Jesus tutu, denggan pambaenmu disi.

Bahen ma ahu ………

4.     PATIK:    U=Uluan              R=Ruas             S=Sude

              U:  Tangihon hamu ma Patik ni Debata ima na tarsurat  di Markus 16: 15:  Jadi ninna ma mandok nasida: Laho ma hamu tu liat portibi on; jamitahon hamu ma barita na uli i tu nasa na tinompa. Antong rap mangido gogo ma hita tu Tuhan Debata laho mangulahon patikNa i.

       U/R: Ale Tuhan Debata, sai pargogoi ma hami mangulahon na hombar tu patikMi.

               Amen!

5.     Marende sian B.E No. 683: 2-3      DI ADOPANMU JESUS,   BL. 683

2. DiadopanMu Jesus, marsomba au huhut  tungki

    Lao manopoti dosangki, diadopanMu Jesus.

3. DiadopanMu Jesus, tarsolsolbagi rohangkon

    Mubama au tu jolo on, diadopanMu Jesus

  7.  Renungan Situasional

      U =   Hamu angka dongan, torop do halak naso boi mamuji Debata didok ala ni godang ni parungkilon na di adopi di ngolu siganup ari. Mago ma las ni roha sian ngolu nasida jala sitaonon tong do ndang marhaujungan gariada tahe lam tamba do parsorion i. Molo songoni do hape tumagon ma unang ma tatadingkon parpunguanta laho mamuji dohot pasangap Debata asa unang mago las ni roha i sian ngolunta.

      R   = Mauliate ma di Tuhan i ala dipahot jala dipargogoi Tuhan i dope hami laho pasahat pujian tu Debata di tonga ni ragam ni parungkilon. Jala diloas Ho dope hami boi pauliulihon Bagas JoroMon Ale Tuhan sai lehon ma di hami roha na olo paulihon jala na olo mangalahon pelean tu bagas JoroMon

  U    =  Hamu angka dongan, torop do halak na tumatangis jala mago las ni roha sian siala dang boi mamuji Tuhan i dohot denggan di angka parmingguan,alani angka najahat na diportibion namanegai parsaoran ni Halak Kristen i

   R   =  Ale Tuhan, Sapala naung di loas Ho ndang marmara HuriaMi, jala diloas Ho hami boi marsaor dison sonang so hariboriboan loas ma hami mamelehon diri, gogo nang sinadongan name marhite na pauliulihon joroMon

   U   =  Hamu angka dongan, ganup ma hita marsitutu jala marsiadu patupahaon na uli na denggan di Hurianta on  Dalanta laho patuduhon parsihohotontai marhite endenta.

8. MARENDE SIAN BE No. 128: 4-5      Ditanda Debatanta BL   162

    4.   Ditanda do nasida Dibaen holong sude

       Rohana di Ibana Nang di donganna pe

       Ai i do na mandasdas Nasida sai tongtong

         Asa tung dipatolhas Patikna i  sintong. Asa tung dipatolhas Patikna i  sintong

------- JONGJONG -------

5         .    Sai songon i ditanda Tuhanta jolma i

Na mangoloi hataNa  Di nasa bangso i

Haporseaon i do Partinandaan i

Padohot pangkirimon Nang haholongon i. Padohot pangkirimon Nang haholongon i.

9.       MANOPOTI DOSA

     U:  Tatopoti ma dosanta tu Debata  martangiang ma hita: 

                    Ale Amanami jala Debatanami, na di Banua ginjang, Pargogo na so hatudosan! Pardengganbasa do Ho, jala ro di salelenglelengna do asi ni rohaM. Sai marpamuati ma rohaM di hajahatonnami, jala sai unang be ingot angka dosanami; ai jotjot do hami mardosa maradophon Ho, jala jotjot do husungguli hami rimasMu marhite sian pangalaosionnami, di hataM.

    Sude Mengendehon BE No.686: 1 “Ramun Do Au” BL.686

                ^♫♪♫ Ramun do au di joloMi, gok dosangki urasi au,

                   O, Jesus, birubiru i, dison do au patau ma au.

              U : Jotjot do ndang huargahon hami angka dongan nami, jotjot holan diri dohot hasintongan nami hupaburnang burnang hami, ndang masipauneunean jala masiseaan dosa hami sama hami, jala jotjot hami manguhumi molo marpanghurangi hami hami dompak dongan nami na jala panghorhonna mamboan arsak dohot sitaonon tu angka dongan name, ndang huehami hami hasadaon na nirahut ni holong dohot dame na sian Ho i

     Sude Mengendehon BE No.686: 1 “Ramun Do Au” BL.686

                ^♫♪♫ Ramun do au di joloMi, gok dosangki urasi au,

                   O, Jesus, birubiru i, dison do au patau ma au.

            U:    Ale Tuhan Jahowa, sai unang paingotingot pangalaosionnami, unang alang asi ni rohaM, sai urupi ma hami, Ho ale Tuhan Debata hatuaonnami, palua hami, jala sesa dosanami, ala ni AnakMu, Tuhan Jesus Kristus, Tuhannami. Amen.

( … tingki na hohom…:  Musik mangendehon  BE. 675: 1)

     U:    Bagabaga ni Debata taringot tu hasesaan ni dosa. Ro ma hamu, asa mangolu tondimuna, ninna Tuhan Jahowa. Tung sura rara dosamuna songon abit bunga dapdap, bontar do bahenonku songon itak; nang pe rara songon abit hasumba, gabe songon hapas do muse. Hasangapon ma di Debata na di ginjang !

   U/R: Amen.                                                  (HUNDUL)

10.    Koor:   Ina Debora/ Koor Ama

11.    Marende Huria BE.  No. 476 : 1 “Ndada au Guru di au be  BL. 322

1.                   ^♫♪♫ Ndada au guru di au be, Jesus do nampuna au.

Las rohangku dung hubege, Jesus sipangol au.

Ndang  be au guru di au. Jesus na humophop au,

Nampuna au. Tung saleleng au mangolu, Jesus do nampuna au.

 12  EPISTEL:

      U   :         Hata ni Debata na gabe turpuk di minggunta sadari on ima na tarsurat  di Roma 13:1-7  tajahama marsingkat soring:    Unduk ma ganup di panggomgomi na marsahala; ai ndang adong sahalana, ia so sian Debata, Debata do mangaturhon nasida.

    H:              Asa na mangalo aturan ni Debata do na mangalo panggomgomi i. Alai na mangaithon uhum tu dirina do na mangalo i.

   U:               Ai angka siula hajahaton do patut mangkabiari panggomgomi, ndada angka siulahon na denggan. Na denggan ma ulahon, asa unang pola habiaranmu panggomgomi i, asa dapot pujipujian ho tahe sian nasida.

   H:               Suruan ni Debata do nasida, laho manumpak ho. Alai molo diula ho na jat, patut ho tahutan, ai ndada gaitgait podang na niusungna i. Suruan ni Debata do nasida, mangkonahon uhum tu siulahon hajahaton.

  U:                Dibahen i patut marunduk ni roha hita; ndada nionjar ni biar mida rimasna, tung sinuru ni roha i do.

  H:                Ala ni i garar hamu ma nang beo i, ai parhobas ni Debata do nasida; tusi do nasida disuru.

 U:                 Tu ganup ma lehon hamu na tama tungguonna: Beo tu na patut manjalosa, sohe tu na ture hasahatanna, biar tu na tama habiaran, hormat tu na talup hormatan.

I ma sahatna. Martua do angka na tumangihon Hata ni Debata jala naumpeopsa. Amen

12.        MARENDE SIAN B.E No. 681: 1, 2       ALE AMANG ASI ROHAM         BL 681

1.   Ale Amang asi rohaM di au pardosa on, unduk do rohangkon nuaeng

      Marsomba di joloM , Unang jujur unang jujur angka dosangki

      Sai salpuhon sai salpuhon sian rohaMi.

------- JONGJONG -------

2.   Amang sai pargogoi ma au dihasiangan on, TondiM pasaor tu tondingkon

      Pamalum rohangkon, Sai usehon sai usehon TondiMi tu au

      Asa Monang maralohon parungkilon au.

13.        MANGHATINDANGHON HAPORSEAON

U   :   Tahatindanghon ma haporseaonta i songon panghatindanghonon ni donganta sahaporseaon di sandok portibi on, rap ma hita mandok.

R   :   Ahu porsea ...      (Hundul)

14.        KOOR: Remaja / Gabungan

15.        TINGTING:

16.        Tangiang Pangondianon

17.        MARENDE BE No. 133: 1 –-        0 Tondi na Manggohi roha      BL 113  ( Pel Ia, Ib

1.       O Tondi na manggohi roha Ni panindangi na parjolo I Na so dung olo marnaloja Mangalo musu ni Tuhanna I Sungguli dohot rohanami on Mamaritahon Jesus i tongtong

                   ---------- Musik ----------

2.       Anggiat apiMi ma galak Marlojong tu saluhut bangso iJahowa sai paborhat halak Na burju mangkatahon hataMi  Sai tatap lambas ni gotilon i Ianggo naposoM otik do i

---------- Musik ----------

3.       AnakMu do na mangajarhon Tu hami hata pangidoan i Torop do na mangkaringgashon Mangaradoti na nidokNa iDibahen i tangihon nama i Sai dok ma Amen saut ma hata i

18.           JAMITA  :  Poda 8:12-21   ( Pandita Resort )

19.           MARENDE Sian BE No.515: 1---Ringgas ma tapaboa  ( Colekte- Borhat –borhat Tu Diakones Magda Rosa Br Manurung

1.       Ringgas ma ta paboa naung monang Kristus i,Rade doha sesaan ni angka dosa i.Di goar ni Tuhanta i do hamonangan i! Ringgas ma ta paboa naung monang Kristus i.

2.       GoarNa tapaboa liat tano on, Ai i do na manggohi tongtong rohanta      on.Taaithon ma gogoNa i na so dung talu i.GoarNa tapaboa tu liat tano i.

-------- Musik --------

3.             Tung tano bato Goar ni jesus Tuhan i.

                Tu Goar I maporus sude na gale I.

                Nang mangalantap udan I, nang pur alogo I,

                Tung tano bato Goar ni Jesus, Tuhan i.

4.             Taboan ma goarna tu angka jolma i.

Torop na so mananda Jesus Tuhanta i. Sinolis nioloan I,

Ai dililuhon i. Taboan ma Goarna tu angka jolma i.

-------- Musik --------

        21. ACARA PABORHATHON DIAKONES

        Marende No : 729 : 1 Laho ma hamu

        ( Laos ro ma tu Jolo Diak Magda Rosa Manurung)

1.    Laho ma hamu tu liat portibion Ninna Jesus Kristus Tuhan i ninna Jesus Kristus Tuhan i.Baritahon ma Barita Na Uli i tu saluhut na tinompa i, tu saluhut na tinompa i. Asa marlas ni roha ma langit nang dohot hajanghajang i.

Marolopolop angka ladang i ro di hau na di harangan i.

Martopaptopap sunge i marhasakhasak tao nang laut i.

Marolopolop ma portibion nang sudena pangisina i. Amen

       1.      Pandita Resort :

Hamu angka dongan ruas dohot Parhalado huria ni Tuhanta na di HKBP Kedeberek  on, di ari on, laos paborhatonta ma Inanta Diakones tu inganan panghobasion na naimbaru. Mardomu tusi tabege ma jolo Surat Keputusan ni Pimpinan HKBP taringot tu penempatan nasida.

       2.       Manjaha Surat Keputusan:

                (jinahahon ni )

        3.      Pandita Resort:  ( Huhut masijalangan )

Hamu Diak Magda Rosa Br Manurung, nunga dibege hamu Surat Keputusan ni Pimpinan HKBP taringot tu penempatan muna. Marhite Goar ni Debata Ama, Anak dohot Tondi Parbadia , atas goar ni Praeses HKBP Distrik VI Dairi  ahu Pandita HKBP Resort Tigalingga  paborhathon hamu sian HKBP Kadeberek tu panghobasion naimbaru ima Gabe Uluan ni Huria di HKBP Pardamean Resort Bakaran Batu Distrik XIV Tebing Tinggi Deli  Mauliate ma dohonon nami siala panghobasion muna salelengon di Huria on, Tuhan ta ma mamasumasu Ulaon muna nang di panghobasion na imbaru 

Martangiang ma hita : Ale Tuhan Debata Amanami marhitehite Tuhan Jesus Kristus Raja jala nampuna huria i. Mauliate rohanami tu Ho jala pujionnami do goarMu, ala dipaloas ho naposoM manghobasi di huriaMon. Diak Magda Rosa Br Manurung,  . Asi ma rohaM lehon ma TondiM na badia i margogoihon nasida, parsahalai, parbisuhi ma nasida, asa polin dibaritahon nasida hataMi. Lehon hahipason, hatoguon dohot hiras ni roha mangaradoti sude ulaon di Huria . Tumpahi ma saluhut na ni ula nasida., jala sai patubuma hataM na binaritahon nasida asa marparbue di ngolunami, paboa siseanMu hami. Hupangido hami tangiang nami on tu Ho marhitehite AnakMu Tuhan Jesus Kristus Tuhannami, Amen.

V.                                     4. MANDOK HATA

             1.      Hata partadingan  Diak Magda Rosa Br Manurung,

             2.      Hata Borhat Borhat Mewakili Ruas/Parhalado  HKBP Kedeberek/Res Tigalingga

               3.   Pasahat Cendra Mata tu Diakones/ Huria/Seksi/

         

22. Marende No  720 : Naeng Marsinondang Ngolungku ( Jongjong sude )

 Naeng marsinondang ngolungku di igil Jesus i Manang didia pe ahu tongtonghuingot i Tiur marsinondang ido ni igil ni Jesus, tongtongMarsinondang panondang do au tutu

  23. PARSURUON ( Sude Parhalado ro tu jolo ni Langgatan )                          

        U   :   Dung i hubege soara ni Tuhan i na mandok: “ Ise do suruhononKu, jala ise  pardalannami?

R   :   Dison do ahu Tuhan, suru ma ahu.

U   :   Laho ma hamu tu liat portibi on: Jamitahon hamu ma Barita na Uli I tu nasa na tinompa.

R   :  Ale Tuhan, lehon ma hiras ni roha tu ahu manghatindanghon Barita na UliMi tu portibi on. Rade ma hami ale Tuhan pasahat Barita NauliMi tu nasa na tinompa marhite na mamasipauneunean, masisesaan dosa jumpang marpanghurangi nasada dompak donganna

U   :   Didok Tuhan Jesus: “Hamu do panondang ni portibi on!” Antong   borhat ma hamu, boan jala sondanghon hamu ma hatiuron ni Barita na Uli na sian Jesus Kristus i di ngolum siapari.

R   :   Ale Tuhan, paian ma di hami roha namasihaholongan, ai ido rahut rahut ni nasa harimpason, jala ajari hami asa mangharinghothon hasadaon na nirahut ni holongMi

U   :   Didok Tuhan Jesus : “Hamu do sira ni tano on!” Antong borhat ma hamu, alo jala otapi hamu ma hajahaton; arahon hamu ma saluhutna pasangaphon Tuhan i!

R   :   Ale Tuhan, sai ajarhon ma tu ahu angka dalanMu asa huboto mamolati na denggan sian na roa jala asa marpangalaho ahu dibagasan hasintonganMi baen tiruan di angka nanaeng toguonMu dope tu HarajaonMu. Bahen ma DameMi mangarajai dibagasan rohanami ai tusi do hami tarjou dibagasan sada daging asa gabe parroha mauliate hami

U   : Nunga di haholongi Debata hita, antong marsiadu ma hita patupahon holong na nirahut ni hasadaon

R   :  Mangendehon  BE.No.730: 4                       Sai patau ma au Tuhan.

1.    Sai patau ma diringku ale Tuhan, Papatarhon hinauliMi Tuhan,

Suru ma TondiMi saor tu rohangki, Baen ias hata dohot parangengki.

  25. Tangiang Pelean-Ale Amanami-Pasupasu- Amen-Amen-Amen

Masijalangan

Diakones  Jongjong di jolo

Marende   809 : 1 ----   ( Sude Ruas Manjalang nasida songon borhat borhat )

1.                   Molo saut ma ho borhat tu na dao

Holan Jesus baen donganmi,

ToguonNa ho ramotanNa ho

sai tiur sude na langkami,

nang landit porhot sidalananmi

nang hansit ngotngot rohami,

ndang boi ganggu ndang boi lilu ho

molo Jesus mandongani ho.

2.                   Di na loja ho nang holsoan ho,

Jesus ma tongtong donganmi.

UrupanNa ho apulanNa ho,

Sonang ho tongtong di dalanMi,

Nang dao tahe situjuonmi,

Ndang maol tolhas tusi,

Dipaima ho tomuonNa ho,

Tung sonang do dilambungNa ho.

 SELAMAT MELAYANI

Diak Magda Rosa Br Manurung,    DI PELAYANAN YANG BARU