Launcing dan Bona Taon HKBP Distrik VI Dairi

PARTORDING NI ACARA

PARTANGIANGAN  BONA TAON

DOHOT LAUNCHING

ULAON PARASINIROHAON 2019

HURIA KRISTEN BATAK PROTESTAN

(HKBP) DISTRIK VI DAIRI

TEMA :

PATUPAHON ULAON PARASINIROHAON TU ANGKA

NA POGOS LUKAS 4:16-21

HKBP TIGALINGGA SENIN 21 JANUARI 2019

I.   PANGARADEON DOHOT PROSESI                                                              

      1.Mangarade ma di konsistori (Sude angka Parhobas )

      2. Di tingki mardalan barisan prosesi, jongjong ma sude ruas ni huria.

II. Ucapan Selamat Datang :

1.   JOUJOU TU PARSAORAN       (U=Uluan, H=Huria )

      U   :  Selamat Bona taon ma di hita saluhutna amanami, inanami, hahaanggi nang pinaribot, sude do hita sisada haporseaon di Goar ni Tuhan Jesus i. Mauliate ma tadok tu Debata na mangaramoti hita sian taon nasalpui sahat tu bona ni taon on, boi hita marpungu huhut marlas ni roha dibagasan joroNa na Badia on. Di Partangiangan Bona Taon dohot Launching Ulaon Parasinirohaon 2019 HKBP Distrik VI Dairi. Anggiat ma Ibana na tongtong mian dibagasan rohanta jala dilehon  dameNa na sumurung i laho mangarajai roha nang pingkiranta be. Taon Parasinirohaon ma taon on di hita saluhutna

      H:  Martua ma ganup na manghabiari Jahowa, na marparange di angka dalanNa i. Ganup namangaluhaon ulaon Parasinirohaon, Gabe Parasiroha ma hamu songon Ama muna Parasi rohai .Ale Tuhan Tuhan Debata  naung marasiniroha tu hami. Parbadiai ma rohanami be marhitehite Tondi Porbadia jala patongtong rohanami be

      U   :  Ndang hapalang asi ni rohaNa jala denggan basaNa sudena. Ibana do na marmudumuduhon hita, laos Ibana do na mangaramoti hita, boi hita dibagasan hahipason mamolus angka partingkian diganup ulaon dohot panghobasionta jala tolhas sahat tu bona ni tao on on, antong ro be ma hita mardongan las ni roha mangoloi Ibana. Marende ma hita!

      H:  Mangendehon BE. 585 : 1-2“Somba ma Jahowa ”Bl. 585

      Somba ma Jahowa Debatanta Amen Haleluya

Sigomgom langit tano on ro diisi na Amen Haleluya

Beta hita lao, marsinggang tu joloNa

Amen Haleluya na songkal jala na badia do Jahowa

Amen Haleluya endehon Amen haleluya endehon

Amen haleluya endehon Amen haleluya endehon

Amen haleluya

      Sangap di Jahowa Debatanta, Amen Haleluya

Na bonar jala marmulia do Jahowa, Amen Haleluya

                  Tapatimbul ma goar ni Debatanta, Amen Haleluya

Na tigor jala na sun gogo salelengna, Amen Haleluya

Endehon; “Amen Haleluya, endehon Amen Haleluya

Endehon Amen Haleluya, endehon Amen Haleluya”.

2. Votum

 U:       Marhitehite Goar ni Debata Ama, dohot Goar ni AnakNa Tuhan Jesus Kristus, dohot Goar ni Tondi Parbadia, na tumompa langit dohot tano on.

 H:       Amen.

 U:       Jahowa do situngkol sude angka na naeng tinggang, jala sipahehe sude angka na tungki marroha.

 H:       Mangaranap tu Ho do angka mata ni sasudena, jadi di lehon Ho tu nasida sipanganonnasida di tingkina be.

 U:       Dibuha Ho do tanganMu pasombu lomo ni roha ni nasa na mangolu.

 H:       Na bonar do Jahowa di saluhut angka dalanNa jala basa di bagasan saluhut jadijadianNa i.

 U:       Donok do Jahowa di sude angka na manjou Ibana, tongon tahe di sude angka na manjou Ibana di bagasan hasintongan.

 H:       Ibana mambahen lomo ni roha ni angka na manghabiari Ibana, jala dibege do angguknasida i, jala dipalua do nasida.

 U:       Jahowa do pangondingan ni sude angka na manghaholongi Ibana, jala disiaphon do sude angka parjahat, Haleluya! Martangiang ma hita: Ale Amanami na di banua ginjang, asi ni rohaM do na pataru hami tu taon na imbaru on. Ho do, Debata, na mangaramoti pardalanan ni ngolunami saleleng taon 2018 naung husalpuhon hami. Sai asi ma rohaM di hami, sai unang tulak hami; sai ramoti ma hami nang di taon 2019 on. Pasupasu ma hami di sude angka pangkobasion dohot ulaonnami, asa tongtong marlas ni roha hami mandalani ariari ni ngolunami. Jala songon halak naung manjalo pasupasu sian Ho hami, sai paingot ma hami asa gabe pasupasu nang tu angka na humalianghami. Tangihon ma tangiangnami on, marhitehite goar ni AnakMu, Tuhan Jesus, Tuhannami, Amen.                    (hundul)

3. Koor : Pardihuta ni Pangula na Gok Tingki

4. Marende BE. No. 755 :1 – 2     “Haposan Ho Tuhan”    BL.755

Haposan Ho Tuhan hot do holongMu, di las ni roha tingki arsak pe.

Asi ni rohaMi nang pambaenanMu, Ho sipalua pangondingan pe.

Ref:    Haposan Ho Tuhan, haposan Ho Tuhan, ndang na mansohot asi ni rohaM.

Nasa na ringkot di au diparade, tung ala ni asiM do i sude.

Logo ni ari nang rondo ni ari, nang tano, laut, bulan, bintang i.

Sude tinompaMi manghatindangkon, denggan ni basaMi di hami on.

Haposan Ho Tuhan,....d,u.....

5.  Marningot Denggan Basa Ni Debata

 U:       Puji ma Debata na manompa saluhutna, puji ma Ibana na mangaramoti ngolunta. Puji ma Ibana, ai ro di saleleng ni lelengna do asi ni rohaNa.

 H:       Tung na balga do asi ni rohaM Tuhan, alanii pujionnami ma Ho di tongatonga ni ngolunami.

 U:       Hamu angka dongan, tadok ma mauliate ala tongtong do di ramoti Tuhan i hita ganup marsadasada, Huria marsada sada, ganup Resort Distrik nang Bangsonta saleleng hita mandalani taon 2018 naung salpu i.

 H:       Tung na balga do asi ni rohaMi Tuhan, alanii pujionnami ma Ho di tongatonga ni ngolunami.

 U:       Di lehon Ibana do di hita angka na ringkot i di ngolunta, ganup ari ganup tingki. Di lehon do di hita gogo, pos ni roha dohot panghirimon laho mangalului ngolungolu.

 H:       Tung na balga do asi ni rohaMi Tuhan, alanii pujionnami ma Ho di tongatonga ni ngolunami.

 U:       Tutu, ragam do angka na masa na boi mambaen hita mabiar mandalani ngolu  di taon naung tabolus i. Ragam do nang angka na masa na boi mambaen hita marungkil di tongatonga ni parngoluon i. Alai, saluhutna do manumpak tu na denggan di angka na marholong ni roha di Debata.

 H:       Tung na balga do asi ni rohaMi Tuhan, alanii pujionnami ma Ho di tongatonga ni ngolunami. 

 U:       Nuaeng, bongot ma hita tu taon 2019 on; sada taon na imbaru, taon parasirohaon, dipargogoi Tuhani ma hita mangaulahon ulaon parasinirohaon

 H:       Ale Tuhan, sai asi ma roham di hami, sai gabe parasi roha ma hami Songon Ho Ale Debata Parasirohai

 U:       Ndang taboto angka na masa na naeng siadopanta. Ndang adong na hot ianggo na di tano on, tung saluhutna do mubauba. Alai dohononta ma:

U+H:   Sai na donganan ni Debata do hita ganup ari, rasi rasa ro ajal ni hasiangan on. Amen

6. Vocal Solo : HKBP Sumbul

7 . Marende  No :  730 : 1-2 Sai Patau ma au Tuhan “   BL 730

1.                  Sai patau ma diringku ale Tuhan,

Papatarhon HinauliMi Tuhan,

Suru ma tondiMi saor tu rohangki,

Lao papatar HolongMu tu donganki.

2.                  Sai patau ma diringku ale Tuhan,

Papatarhon hinauliMi Tuhan,

Suruma TondiMi saor tu rohangki

Patariparhon basaM tu donganki.

8. MANOPOTI DOSA

Huria ni Tuhanta, tahalashon do pambahenan dohot pangaramotion ni Tuhanta di hita ganup marsadasada. Alai nang pe songon i, ingkon rajumanta do pardosa do hita marhite sude angka pangalaosionta. Ala ni i tapangido ma hasesaan ni dosanta:

(Tingki na hohom)

            ----- Organ mangendehon BE. No. 683 angonangon -----

 U  :     Ale Debatanami parasiroha jala na badia, Amanami marhitehite Tuhan Jesus Kristus! Manang piga hali hami ro tu joloM, huhilala hami ringkot do asi ni rohaM di saluhut hami halak pardosa. Ala ni i do umbahen na hupaserep hami dirinami sadari on di joloM, jala huparhatopot hami, tung na jotjot do hami manimbil sian angka dalanMu na badia i. Sai unang pabali hami sian joloM ala ni dosanami i.

 H   :     (Mangendehon angonangon  BE. No. 683 : 3  “Di adopanMu Jesus”)

                          Di adopanMu Jesus tarsolsol bagi rohangkon

                          Muba ma au tu jolo on di adopanMu Jesus

 U:       Asi ma rohaM di hami, sai patongtong ma di hami roha hamauliateon tu Ho. Pamalum ma saluhut na bernit binahen ni dosanami. Ro ma Ho mangingani hami, asa marlas ni roha hami mangulahon lomo ni rohaM.

 H:       Molo hupaingotingot hami pangalahonami nasailaon na i, godang do hahurangan, dosa nang pangalaosionnami maradophon Debata. Jotjot do huarsahi hami dongannami, dongan sajabu, dongan sahuta, dongan saulaon, dongan sahuria, suang songon i angka natoras dohot sisolhot pe. Ale Tuhan, asi ma roham di hami.

 U:       Ale Tuhan, asi rohaM, molo sipata gale ruas ni huriaM, sipata lupa manghamauliatehon denggan ni basaM, lupa manangianghon huriaM, lupa manangianghon nang naposoM. Hurang malo ruasMi marparsaoran dohot naposoM, ajari ma jala paingot sude ruas ni huriaM asa sai tongtong manghalashon huhut manangiangkon angka naposoM na pinillitMu pararathon Barita na Uli i.

 H   :    (Mangendehon angonangon BE. No. 688 : 1-2 “Tuhan”)

                         Tuhan jotjot do marsak donganki, ala na sala pambahenanki

                        Hatangku langka nang parulanki, jora ma au.

                        Pangkulingki pe tupa so une, mambaen jut roha ni donganku pe

                        Pingkiran, hata na hurang ture, jora ma au.

 U:       Bagabaga ni Debata taringot tu hasesaan ni dosa! “Parasiroha jala pardenggan basa do Jahowa, lambat tarrimas jala parasiroha godang. Ndang dibahen tu hita hombar tu angka hajahatonta. Songon asi ni roha ni amaama mida angka anakna, asi ni roha ni Jahowa di angka na manghabiari Ibana”. Hasangapon ma di Debata na di ginjang!

 H   :  Amen!                                                                               ( h u n d u l )

9. Koor: Gabungan HKBP Tigalingga/ Koor Lansia

10. Marende No : 733:1 Dulo ma au on o Tuhan BL 733

Dulo ma au on o Tuhan  bege anggukkon,

Ro do Ho tu angka dongan topot ma au on.

Jesus Tuhan bege anggukkon,

Ro do Ho tuangka dongan topot nang au on.

11. EPISTEL :

 U:       Hata ni Debata na gabe Epistel di Bona taon HKBP Distrik VI Dairi dibagasan sadarion ima natarsurat di Mateus 25:40 “Dung i alusan ni Raja i ma nasida: Situtu do na hudok on tu hamu; Nasa na binahenmuna tu sada sian anggingku angka na metmet on, na tu Ahu do i dibahen hamu! Ima sahatna  Martua ma angka na tumangihon hata ni Debata jala naumpeopsa

 H:       Amen

12. KOOR : Persembahan Kel  Sembiring/St P Br Ginting Bertungen

13. Marende No : 829:1 Patik naimbaru   BL 829

Patik na imbaru hulehon tu hamu asa masihaholongan,Hamu sama hamu, songon holong ni rohangku maradophon hamu.Sian on do di tanda halak hamu siseanHu molo hamu masihaholongan, Sian on do di tanda halak hamu siseanHu molo hamu masihaholongan.

14. Tangiang Pangondianon

15. Marende No 750: 1-2 Tu tondingki O Jesus  BL 750

1.                  Tu tondingkon O Jesus, patolhas HataMi

Asa sonang rohangku unang sai ganggu i.

Rohangkinon dohot tondingkon naeng tumangihon Ho,

Dison do au NaposoMon rade tumangihon Ho.

2.                  Rohangkinon O Jesus ndang au nampuna I,

Sandok ngolungku Jesus sahat tu Ho ma i.

Rohangkinon ………

16. Jamita :  Lukas 4:16-21 ( Kadep Diakonia  HKBP Pdt Debora. F.  Sinaga M.Th )

17. Marende No :802 1-3 Pangke Tingkim   BL 802  ( Papungu Pelean)

1.                  Pangke tingkim saonari, dapothon ma Tuhan i,

Unang godang sidalian, ingot jempek ngolumi.

Nunga rade hasonangan, di surgo i, di surgo i,

Unang adong nanggo sada Naso parjambar disi.

2.                  Suan ma holong ni roha, tiru ma Tuhanta i,

Las ma roham digotilon, jalo ma balos ni i.

Nunga rade ………

                               =   MUSIK =

3.                   Molo taida donganta, na sai marungkil tongtong,

Unang pasombu sai susa, togu urupi antong.

Nunga rade ………

18. PELANTIKAN

Kabid Koinonia, Kabid Marturia, Kabid Koinonia, Kabid Diakonia,  Panitia Ulaon Parasinirohaon 2019   Panitia Pembangunan Rumah Dinas Distrik, BPM, Tim Asset, Badan Audit Distrik

1.Marende : No 721 : 1 Hupillit asa Marparbue  BL 721

Songon on didok Tuhanta Jesus : Ahu do na mamillit hamu

Asa lao hamu na marparbue jala mian parbuemuna i,

                  Hupadiri asa lao marparbue; jala mian parbuemuna i.

                  Hita na pinillit ni Tuhanta, ingot ma hata ni Tuhan i

                  Parbuehonna nasa na denggan, na hombar tu patik ni Tuhan

                  Na tarjou do hita paimbaru diri, dibagasan Kristus Tuhanta i.

                  Tarsolsolli ma nasa dosanta tapauba ma rohanta,

                  tapelehon ma nasa dirinta, baen pelean na mangolu na badia

                  di Tuhanta na hinalomohon ni Debata. Amen.

2.Manjaha Surat Keputusan Praeses ( Ditingki dijaha surat Keputusan dohot lampiranna ro ma sude angka naginoaran ondeng tu langgatan)

3. Praeses :     Huria ni Tuhanta ruas nang parhalado ni Hurianta Sa Distrik VI Dairion nuaeng jongjong do dison angka donganta naung itapillit  laho manghobasi angka ulaon na ringkot di tongatonga ni Distrik on. Sadarion  Ojakhononta  ma nasida gabe Majelis Pekerja Sinode Distrik , Kepala Bidang Koinonia, Kepala Bidang Marturia,  Kepala Bidang Diakonia, Panitia Ulaon parasinirohaon 2019, Panitia Pembangunan Rumah dinas Distrik, Badan Pengurus Mitra, Tim Asset Distrik dohot Tim Audit Distrik, Marhite hite Goar ni Debata Ama, dohot Goar ni Anakna Tuhan Jesus Kristus, dohot Goar ni Tondi Parbadia; Ahu Praeses HKBP Distrik VI Dairi pabangkithon hamu gabe parhobas di Distrik on, Didongani, diurupi jala dipargogoi Tuhan Jesus Kristus Ulu ni Huriai ma hamu laho patupahon angka ulaon naung pinasahat tu hamu, marsangap ma Tuhanta jala las roha ni huriaNa marhite angka panghobasionmuna, Amen

4.Sude na hona lantik:

Na olo do ahu, sai didongani jala dipargogoi Tuhan i ma ahu patupahon saluhutnai  Amen

5.Praeses : Martangiang ma hita : Ale Debata Amanami, mauliate ma rohanaMi ala naung dipabangkit Ho do angka naposoM na olo mangula ditonga tonga ni Distrik on, asi ma rohaM Lehon ma tondi parbadia mangurupi, margogoihon, mamparbisuhi dohot mamparsahalai nasida dohot mangalehon roha na pantas mangaradoti sude ulaon naung pinasahat tu nasida. Hupasahat hami tangiang nami on marhite Goar ni AnakMu Tuhan Jesus Kristus Sihophop jala sipalua hami Amen

6. Marende No 127 : 6    Lam Gogo    ( Jongjong ma Huria )

Pangke ma pangke ma, pangke ma gogom sude, patandahon haholongon ni roham di Jesus i, namangoli ho o sion mangoloi sude patikNai, pangke ma gogomi

19. Tangiang Pelean+ Tangiang Ale Amanami + Pasu Pasu

20. Amen-Amen-Amen

III. Launching Tema Pelayanan HKBP   2019 : Ulaon Parasinirohaon Distrik

IV.  Pemberian Bea Siswa BPM Distrik

IV. Kata Sambutan

1. Mewakili Warga Jemaat /Penatua HKBP Distrik VI Dairi
2. Mewakili Pangula na gok tingki, Pendeta, Guru Huria, Bibelvrow Diakones
3. Mewakili Unit-Unit Pelayanan Distrik
4. Mewakili Unsur Pemerintah- Kabupaten Dairi- Muspika Kec Tigalingga
5. Bimbingan dan Arahan Praeses HKBP Distrik VI Dairi
6. Bimbingan Pastoral Kadep Diakonia HKBP

V. Ramah Tamah dan Makan Bersama