TATA IBADAH MINGGU 18 AGUSTUS 2019 TUKAR MIMBAR HKBP DISTRIK VI DAIRI

TERTIB ACARA MINGGU IX DUNG TRINITATIS

DOHOT PARHUSORAN NI PARJAMITA

HKBP DISTRIK VI DAIRI

MINGGU, 18 AGUSTUS 2019

=========================================================

“JANGHON MA HABISUHON SIAN DEBATA”

1. Jou-jou marsomba tu Debata:  U: Uluan; R: Ruas; S:Sude  

     U : Huria ni Debata na hinaholongan ni Tuhanta Jesus Kristus, hami saluhut Parhalado, pasahathon tabe ma tu sude hamu ruas ni huria: Asi ni roha ma di hamu, jala dame na sian Tuhanta, i ma na mangaramoti hita saluhutna.  

     H : Asi ni roha ma nang di hamu angka parhaladonami, jala dame na sian Tuhanta, i ma na mangaramoti hita saluhutna.

     U : Di bagasan sadari on tung tama do hita mandok mauliate tu Debata, disaluhut pandonganion dohot pangaramotion ni Debata di sude pardalan ni ngolunta. Saluhutna i tung asi ni roha ni Debata do i tu hita. Ala ni tapuji ma Tuhanta jala tasomba ma Ibana, marende ma hita.

2. Marende sian B.E No.585 : 1 + 2       “Somba Ma Jahowa”

Ø  Somba ma Jahowa Debatanta Amen Haleluya. Sigomgom langit tano on ro di isi na Amen Haleluya. Beta hita lao, marsinggang tu joloNa, Amen Haleluya, na songkal jala na badia do Jahowa Amen Haleluya. :,:Endehon: “Amen haleluya, endehon Amen haleluya, endehon Amen haleluya, endehon Amen haleluya:,:             ….Jolo Musik…. Dung i Jongjong……

Ø  Puji ma Jahowa Debatanta, Amen Haleluya. Parasi roha na sumurung do Ibana, Amen Haleluya. Taendehon ma goar ni Debatanta, Amen Haleluya. Alani denggan ni basaNa na tu hita, Amen Haleluya. :,:Endehon; “Amen Haleluya, endehon Amen Haleluya, Endehon Amen Haleluya, endehon Amen Haleluya:,:

3. Votum - Introitus (Responsoria)      

U = Marhitehite Goar ni Debata Ama dohot goar ni AnakNa Tuhan Jesus Kristus dohot Goar ni Tondi Parbadia na tumompa langit dohot tano on. Amen. Biar mida Jahowa do parmulaan ni hapistaran, maruli hamaloon ni roha na sumurung do sude angka na mangulahonsa; hot do baritaNa i ro di salelenglelengna.  Haleluya.

S = Mangendehon: HALELUYA, HALELUYA, HALELUYA.

U = Martangiang ma hita:  Ale Tuhan Debata, Amanami na di banua ginjang. Hupangido hami tu Ho: Sai lehon ma TondiM na badia i tu bagasan rohanami. Sai paian di bagasan hami asi ni rohaM dohot hatigoran, na pinatupa ni AnakMu Jesus, Tuhannami. Sai ramoti hami di hamamasa ni pangunjunan. Pargogoi ma hami mangulahon lomo ni rohaM, asa lam marlas ni roha hami mida denggan ni pambahenanMu di hami, marhitehite Tuhan Jesus Kristus, Tuhannami.  Amen                                                 (Hundul)

4. Marende sian B.E No. 140: 3       “Girgir Ma Hamu”                         BL. 141

Ø  Radoti burju HataNa sude, sai monang hamu baenonNa muse. Ibana do Raja na tong monang i, torop pe aloNa sumurut do i.

5. Patik :

U = Patik ni Debata di minggunta sadarion i ma na tarsurat di Jakobus 3 : 17 – 18 songonon ma didok disi:

R = Alai anggo habisuhon na sian ginjang i, sandok na bontor do i, olo mardame, lambok, pangoloi, gok asi ni roha dohot parbue hadengganon, dao sian hagangguon nang pangansion.

U = Alai di bagasan dame do disaburhon parbue hatigoran di angka na mangulahon dame. Antong, rap mangido gogo ma hita tu Debata.

        S = Ale Tuhan Debata! Sai pargogoi ma hami mangulahon na hombar tu patikMi. Amen.

6. Koor:

7. Marende sian B.E No. 118 : 2    “Paian Ma di Hami”                    BL. 6

Ø  Paian Tuhannami HataM di hami be. Asa martua hami nuaeng nang sogot pe.

8. Renungan Situasional: U:Uluan, A:Ama, I: Ina, R/N: Remaja Naposo

    U = I da ma, nunga dipatuduhon tu hamu habisuhon na sian TUHAN i. Sai jalo ma i, jala pangasahon i di nasa ulaonmu siganup ari.

     A = Suru ma hami TUHAN, jala lehon ma bisuk dohot hatauon asa boi huarahon hami keluarganami laho patujolohon hadameon dohot pasiding pangarupaon.

     U =      Tanda ma pasupasu na binasabasahon ni Debata di ngolumi; Tondi pangantusion ma na patau hita mananda lomo ni rohaNa marhite panjouon dohot ulaonta be.

     I =   Ale Tuhan, hujanghon hami ma TondiM di rohanami. Sai togutogu ma hami tu dalan hasintonganMi.  

     U = Halak na bisuk dohot na marroha patuduhon haporseaonna marhite parange na denggan, halambokhon, hademahon, parasi ni rohaon, haundukhon, hadameon dohot pasidinghon angka ragam ni pangarupaon.

     N = Ale TUHAN, pargogoi ma hami pasauthon dameMi di tongatonga portibion.  

U = Ditogutogu habisuhon ni Debata do halak partigor di nasa ulaonna asa marsihohot mangolu dibagasan na marhabiaran mida Debata. Jala habisuhon ni Debata manjagai di nasa ulaonna, huhut dilehon huaso asa dipadao sian nasa mara dohot sangkapsangkap ni portibi on. Antong habisukhon na sian Debata margogoihon angka na serep marroha laho pajongjong hatigoran. Hatauon na sian Debata manjagai angka naposoNa sian halak na geduk roha.

9. Marende B.E No. 417 : 1    “Rade Situtu Haluaon”       (Laos Jongjong)

      ^♫♪♫ Rade situtu haluaon,  na naeng tangkuponmu antong. Rade nang di ho hatuaon, sihalashonon mu tongtong. Bernit do di taon Tuhanmu pasaehon dosam sasude. Tung unang paujat Ibana, sai jangkon panghophopNa i.

10. Manopoti Dosa dohot Bagabaga Hasesaan Ni Dosa 

     U = Tatopoti ma dosanta tu Debata martangiang ma hita: Ale Tuhan Debata, Ama ni Tuhannami Jesus Kristus, Ho do Debata pargogo na so hatudosan, sitompa nasa na adong, paruhum na tigor, na manguhumi jolma manisia. Na ro do hami tu joloM manopoti dosanami, angka na huula hami marhite siaan pangalasionnami di patikMu, i ma marhite sian tubutubu ni rohanami na roa i, nang sian panghataionnami na so ture, ro di pangoloionnami di hisaphisap ni rohanami. Na tama situtu do hona uhum hami ala ni dosanami i, alai tarsolsolbagi do hami nuaeng ala ni i. Asi roham di hami ale Debatanami.         

Manghuling Musik BE. No. 182 : 1

     U = Pardengganbasa jala parasi roha do Ho ala ni Anak haholongan ni rohaM, Tuhan Jesus Kristus Tuhannami. Sai sesa ma dosanami saluhutna, jala suru ma Tondi Parbadia tu rohanami be, asa tarbahen hami mangoloi Ho dibagasan hatigoran dohot habadiaon, gabe sahat hami tu hangoluan na so ra suda, na pinarbagabagaM di angka na porsea di AnakMu, Tuhan Jesus Kristus, Tuhannami. Amen

     S = Mengendehon BE No.182: 4  “Tu JoloM O Debatangku”    BL.24

            ^♫♪♫ Ala nii tungki rohangku,  jongjong di adopanMi,

                  Sai asi rohaM Tuhanku, sesa nasa dosangki.

U = Hata baga-baga taringot tu hasesaan ni dosa: Songon on do Hata ni Tuhan Jesus: Ro ma hamu tu Ahu, hamu angka na loja jala na sorat, hupasonang pe hamu. Buat hamu ma augangKu tu hamu, guruhon hamu ma sian Ahu, ai na lambok do Ahu jala na serep marroha, asa dapotan hasonangan tondimuna. Ai lambok do augangKu jala neang do dohot na Hupaporsanhon. Hasangapon ma di Debata na di ginjang.

R = Amen!                                                                                     Hundul

11. Koor:

12. Marende sian BE. 238 : 3    “Ihuthon Au Sude Hamu”               BL. 93

       ^♫♪♫ Hupatuduhon di hamu sipasidingonmuna. Sude geduk ni rohamu sipaubaonmuna. Ai naeng ias ma tondimu di na lao suda bohalmu.

13. Epistel:

U =             Hata ni Debata na gabe turpuk Epistel di minggunta sadari on  tarsurat di Rom 11 : 33 - 36 tajaha ma marsingkat soring: Ai naung dipasahat Debata do saluhutna tu roha na so mangoloi, asa asianNa muse saluhutna.

R = Bagasna i antong hamoraon, hapistaran dohot parbinotoan ni Debata. Na so hasigatan do angka uhumNa jala na so habogasan do angka dalanNa.

U = Ai ise dung umboto roha ni Tuhan i? Ise manuturi Ibana?

R = Ise mangalehon parjolo tu Ibana asa dibalos tusi?

U = Ai sian Ibana do saluhutna ro, marhitehite Ibana jala marhapatean tu Ibana do sasudena i. Di Ibana ma hasangapon salelenglelengna. Amen. Ido sahatna. Martua do angka natumangihon hata ni Debata jala na umpeopsa. Amen.

14. Koor :

15. Marende BE. No. 411 : 1 “Nang pe rara dosamu”                        (Jongjong)

Ø  Nang pe rara dosamu ias dibaen mudarhu. Nang pe rara dosamu ias dibaen mudarhu . Na dapdap songon ha sumba songon I tak do. Nang pe rara dosamu, nang pe rara dosamu, ias dibaen mudar Hu, Ias dibaen mudarHu.

16. Manghatindanghon Haporseaon

U = Tahatindanghon ma haporseaonta i songon na hinatindanghon ni donganta sahaporseaon di sandok portibi on, rap ma hita mandok:

S =  Ahu porsea…du……         Amen.                                                  Hundul

17. Koor

18. Tingting – Tangiang pangondianon

19. Marende BE. No. 476 : 1------- “Ndada au guru di au”  (P. Pelean Ia,Ib)

Ø  Ndada au guru di au be, Jesus do nampuna au. Las rohangku dung hubege, Jesus sipangolu au. Ndang be au guru di au, Jesus na humophop au, Nampuna au. Tung saleleng au mangolu, Jesus do nampuan au.

Ø  Ndang di au, Tuhan Jesus, daging dohot rohangki; Saluhutna hupasahat tu Ho, Jesus Tuhanki. Ndang be au…….                                   ….Musik…

Ø  Ulaonku nang artangku pangke ma baen sangapMi, Diusehon Ho mudarmu tung tanda do holongMi. Ndang be au…….

20. Jamita : 1 Rajaraja 5 : 9 – 14

21. Marende BE. No. 691 : 1----                   “Hupasahat Ma Tu Jesus”

(Pelean tu Orientasi Pelayanan HKBP Distrik VI Dairi)

Ø  Hupasahat ma tu Jesus saluhutna ngolungki, Roha nang pambaenanku saluhutna tingkingki. Hupasahat ma tu Jesus saluhutna diringki, Hupasahat ma tu Jesus saluhutna ngolungki.

Ø  Pangkeonku ma tanganku, mangula lomoNa i, Langka nang simanjojakku mangihuthon Tuhanki. Hupasahat ma ……                      ……Musik…

Ø  Nang pamereng ni matangku, mandompakkon Jesus, Soara ni pamanganku, mamuji goarNa i. Hupasahat ma ………

22. Tangiang Pelean – Tangiang Ale Amanami – Pasupasu. Amen, Amen, Amen.