ACARA PARTANGIANGAN LAHO PABORHATHON CALON LEGISLATIF DAIRI

ACARA PARTANGIANGAN LAHO PABORHATHON CALON LEGISLATIF DAIRI

  

  

DISTRIK VI DAIRI

SENIN, 01APRIL 2019

Pukul 10.00 Wib

ACARA KEBAKTIAN

1.       Joujou Laho Marsaor dohot Debata :

U :   Dibagasan roha na mandok mauliate tapuji ma Debata na mangalehon tingki  on tu hita. Na ro do hita sian ganup hurianta laho marpungu marsada ni roha huhut martangiang mangido tu Debata marhite partangiangan Paborhathon Calon Legislatif na dipatupa HKBP Distrik VI Dairi on. Mangasahon  hataNa do hita, ai didok do:  Dibahen i hudok ma tu hamu: Saluhutna, manang dia pe dipangido hamu di tangiangmuna, sai na sahat do i tu hamu, asal porsea hamu, ingkon jaloonmuna.

Alani i, sai tahaposi ma hataNa jala tahaporseai anggiat laho mamungka nasa siulaonta mardonganhon Ibana hita laho mangulahonsa. Tapasahat ma tu adopan ni Debata sude pangidoanta marhite tangiangta dohot pujipujian mardongan mauliate. Tapuji jala taendehon ma hamuliaon dohot hasongkalon ni goarNa.

2.       Marende BE No. 9 : 1 – 2                                            BL. 110.

1)      Hupuji holong ni rohaMu, O Tuhan Jesus rajangki. Tu Ho hulehon ma diringku, ai i do pinangido Mi. Huhalupahon ma diringku, mamingkir holong Ni rohaMu

2)      Sai dilului Ho do ahu, au pe huhalungunton Ho. Di taiti rohaMi rohangku, dibahen i hulehon do. Dipillit Ho hian tondingku, I pe hutodo Ho Tuhanku.

3.       Votum – Introitus.( P : Paragenda     J : Jemaat ) (Jongjong)

P.  Marhitehite goar ni Debata Ama, dohot goar ni AnakNa Tuhan Jesus Kristus, dohot goar ni Tondi Parbadia namanompa langit dohot tano on. Amen

       Asa botoon hapistaran dohot pangajaran, asa dapot antusan undangundang ni hapantason.

J.     Asa manjalo pangajaran ni panuturion, roha manimbang hatigoran, uhum dohot hasintongan.

P.   Laho mangalehon habisuhon tu halak na marroha, parbinotoan dohot pingkiran tu halak na bajar.

J.     Sai dibege na pistar ma i, asa tamba poda di ibana, jala na marroha i dapotan habisuhon.

P.    Biar mida Jahowa do parmulaan ni parbinotoan, alai anggo halak na oto manoisi hapistaran dohot pangajaran. Sai tangihon ma, ale anaha, pangajaran ni amangmu, jala unang tulakkon poda ni inangmu.

J.     AMEN

P.    Martangiang ma hita :

       Ale Debata, Amanami na dibanua ginjang, di ida Ho do Parsaorannami apala di tingkion, naro do anakhon ni huriaM na naeng mangadopi Pesta Demokrasi 2019nama nasida di ari 17April 2019 on. Ala ni i, dihaporseai nasida do haburjuonMu, na olo do Ho mangalehon pasupasu nang hapistaran tu angka na ro mangido tu adopanMu. Ala ni i, sai asi ma rohaM di nasida, suanton ma tu nasida roha hapantason, jala lehon ma tu nasida hapistaran dohot habisuhon tarlumobi hahipason, asa dibagasan tiur ni pingkiran nasida laho mangadopi Pemilhan umum dohot Legisgislatif i, asi ma rohaM jumolo sesa ma dosa pangalaosion nasida, asa talup nasida manjalo pasupasuM di nasida. Mangasahon goar ni AnakMu Tuhan Jesus Kristus Hupasahat hami tangiang nami, Mauliatema di Ho; Amen.

4.       Marende BE No. 17 : 1                                                BL. 210.

1)      Raja na tumimbul, sigomgomi hami, jalo ma pujian nami. Denggan ni basaM do, pangoluhon hami, atik pe mardosa hami. Sai apoi  pargogoi hami mangendehon sangap Mi o Tuhan.

5.       Marharoroan sian Debata do hapistaran na sintong, i ma roha hadaulaton i.

P.         Ale anaha, molo di jangkon roham angka hatangki, jala diparateatehon ho angka hatangki, jala di patinggil ho pinggolmu tumangihon hapistaran, dipaeleng ho roham tu habisuhon. Pola tung joujou ho mangido pangantusion, dipangiar ho soaram mangido habisuhon.

J.          Amen.

P.         Molo di jalahi ho angka i, songon perak, jala disulingkit ho, songon arta na buni, jadi antusanmu ma biar mida Jahowa, jala jumpang ho parbinotoan  sian Debata. Ai Jahowa do na marbasabasahon hapistaran, sian pamanganNa do ro parbinotoan dohot habisuhon.

J.          Amen

P.         Jadi disi ma antusanmu hatigoran dohot uhum, ro di ruhut ni hasintongan, sandok pangalaho na denggan i tahe. Martua ma na tumangihon hata ni Debata  Debata, jala na umpeopsa.

P + J    Amen.

6.       Marende BE No. 30 : 1 – 2                                          BL.135.

1)      Jesus lehon hatorangan, hapistaran mangantusi hataMi. Lehon mata na marnida, dohot roha na umboto dalan Mi. Asa tontong maradophon BohoMi mardalan hami, Asa digomgomi tondiMi ma hami.

2)      Ganup ari ma ajari hami na dihaotoon i dope. Asa lam porsea hami Ho sambing do hangoluan nami i. Lam lumeleng lam pasolhot Tu rohaM ma rohanami, hombar tu hataM ma pangalahonami.

7.       Jamita

8.       Marende BE No. 121 : 1-2                                           BL.97.

1)      Jesus Raja ni huria, naporsea, nabadia pasupasu ma au on. Sai sungguli ma rohangku, mangihuthon ho Rajangku. Pargogoi ma au tongtong, pargogoi ma au tongtong.

2)      Lehon Tondi Parbadia saor tu roha ni huria

Di sandok portibion asa tong sada rohana,

Nang marserak pe ruasNa, Pasangaphon Ho tongtong

Pasangaphon Ho tongtong.

9.       Paborhathon

Praeses: Hamu Amanami/inanami, Para Calon Legislatif.  Ahu, Praeses HKBP Distrik VI Dairi: Dibagasan goar ni Debata Ama, Anak, dohot Tondi Porbadia, hupaborhat hami ma hamu calon Legislatif di Kabupaten Dairi on. Dipargogoi, diurupi, ditogutogu, jala dipatau Tuhan i ma hamu laho mangulahon ulaonmuna. Amen.

10. Marende no 809 1 , BL 141, “MOLO SAUT MA HO”

      Molo saut ma ho borhat tu na dao holan Jesus baen donganmi, toguon-Na ho ramotan-Na ho sai tiur sudena langkami. Nang landit porhot sidalananmi, nang hansit ngotngot rohami, ndang boi ganggu  ho ndang boi lilu ho molo Jesus mandongani ho.

11.   Tangiang Pangondianon

12.   Marende BE No. 214 : 1-2 ( Papungu Pelean )               BL.161.

1)      Sonang di lambung Jesus, sonang na ro tusi, unang be ho mabiar lao mandapothon i…} tongtong di jouhon Jesus , Sai ro ma ho tu Au, Tadingkon haholomon jala haposi Au…

2)      Sonang di lambung Jesus, rap hita lao tusi, Inganan na umuli do di lambungNa i. Ai nunga diparade hasonanganta i, Asa marhasonangan na ro tu Jesus i.

13.   Tangiang Panutup + Pasupasu Amen……..Amen…….Amen…

HORAS